පියුම්කෙතට සවියක් වෙන්න ඉල්ලීමක්
November 16, 2023 05:26 pm
මාතර කිරින්ද පුහුල්වැල්ල ප්‍රදේශයේ පිහිටි පියුම්කෙත මුල් ළමා විය සංවර්ධන මාධ්‍යස්ථානය ප්‍රදේශයේ අතිශය ජනප්‍රිය මුල් ළමා විය සංවර්ධන මධ්‍යස්ථානයකි.
හෙට්ටියාවල පාර කිරින්ද පුහුල්වැල්ල ලිපිනයේ 2013 වසරේදී ආරම්භ කෙරුණු පියුම්කෙත කෙටි කාලයක් තුළදී එම ප්‍රදේශයට මහත් ආලෝකයක් සැපයීය.
කෙසේ වෙතත් ඔවුන්ට මේ වනවිට මුහුණදීමට සිදුව ඇත්තේ නොසිතූ ආපදාවකටය.
පසුගිය දිනවල ඇදහැළුණු අධික වර්ෂාව සමග කිරින්ද පුහුල්වැල්ල ප්‍රදේශයටද දැඩි බලපෑම් එල්ලවිය.
ඉන් මෙම පියුම්කෙත මුල් ළමා විය සංවර්ධන මාධ්‍යස්ථානයට විශාල බලපෑමක් සිදුකළේ එම මධ්‍යස්ථානය පසුපස කොටසක් නායයෑමට ලක්වීම හේතුවෙනි.
රටේ හෙට සරසන ළමුන් විශාල පිරිසක් සිය මුල් ළමාවියේ සොඳුරුම කාලය ගතකරන මෙවැනි ස්ථානයක් ප්‍රදේශයටම සම්පතකි.
ඔවුන්ගේ එකම ඉල්ලීම හැකි අයුරින් මෙම මධ්‍යස්ථානය සාර්ථකව ඉදිරියට කරගෙන යාමට හැකි ආධාරයක් උපකාරයක් සපයාදෙන ලෙසටය.
ඉතාමත් අසීරු දුෂ්කරතා රැසක් මධ්‍යයේ ගොඩනැගුණු පියුම් කෙත මුල් ළමා විය සංවර්ධන මාධ්‍යස්ථානයට ආලෝකයක් වූයේ ඉන් පාසල් අධ්‍යාපනය සඳහා පිය නගන පුංචි දූ පුතුන්ගේ ප්‍රමාණය කෙමෙන් කෙමෙන් වර්ධනය වීම හේතුවෙනි.
නගරයේ ඈති සියලු පහසුකම් නැතත් නවීන ලෝකයට සරිලන දරු පරපුරක් බිහිකිරීම එහි මුල් ගුරුතුමිය වන මල්කාන්ති මහත්මිය ඇතුළු සෙසු ගුරු මණ්ඩලයේ ඒකායන අරමුණ වී ඇත.
පියුම් කෙත මුල් ළමා විය සංවර්ධන මාධ්‍යස්ථානයේ දුරකථන අංකය 0764234404.0779745972
