පොලිස්පති ධුරය ගැන අලුත් ආරංචියක්

පොලිස්පති සී.ඩී. වික්‍රමරත්න මහතාට තවත් මාස තුනක සේවා දිගුවක් ලබාදී ඇති බවට අද (08) මාධ්‍ය වාර්තා කර තිබුණි.

කෙසේවෙතත් ඒ මහතාට මෙතෙක් නිල වශයෙන් ඒ පිළිබඳව ලිඛිතව දැනුම්දී නොමැති බව පොලිස් ආරංචිමාර්ග පවසයි.

පොලිස්පතිවරයාව සිටි සී.ඩී වික්‍රමරත්න මහතා ඉකුත් මාර්තු මස 25 වනදා විශ්‍රාම යෑමට නියමිතව සිටියදී ජනාධිපති රනිල් වික්‍රමසිංහ මහතා මාස තුනක 03ක කාලයක් සඳහා සේවා දිගුවක් ලබාදුනී.

එම මාස 03ක සේවා දිගුව පසුගිය ජුනි මස 25 වනදා අවසන් විය.

ඒ අනුව අදාළ කාලසීමාව අවසන් වී අදට දින 13ක් ගතවී ඇති පසුබිමකත් මෙතෙක් පොලිස්පතිවරයෙකු පත්කිරීමට විධායකය විසින් පියවර ගෙන නැත.