උසස් පෙළ ප්‍රායෝගික පරීක්ෂණ අද සිට
June 27, 2023 12:12 pm
2022 අධ්‍යයන පොදු සහතික පත්‍ර උසස් පෙළ විභාගයට අදාළ ප්‍රායෝගික පරීක්ෂණ අද (27) සිට ආරම්භ කර තිබේ.
ඒ අනුව පෙරදිග සංගීතය හා නර්තනය යන විෂයන්ට අදාළ ප්‍රායෝගික පරීක්ෂණ අද සිට ජූලි 6වන දා දක්වා පැවැත්වීමට නියමිතය.
විභාග දෙපාර්තමේන්තුව සඳහන් කළේ, ප්‍රායෝගික පරීක්ෂණ සඳහා අවශ්‍ය සියලු ප්‍රවේශපත්‍ර මේ වන විට යොමු කර ඇති බවය.
යම් හෙයකින් මේ දක්වාත් අපේක්ෂකයෙකුට ප්‍රවේශපත්‍ර ලැබී නොමැති නම් විභාග දෙපාර්තමේන්තුවේ නිල වෙබ් අඩවිය හරහා එම ප්‍රවේශපත්‍ර භාගත කිරීමට හැකියාව පවතින බවද එම දෙපාර්තමේන්තුව සඳදහන් කළේය.
ඊට අමතරව මේ සම්බන්ධයෙන් වැඩිදුර තොරතුරු විභාග දෙපාර්තමේන්තුවේ ක්ෂණික ඇමතුම් අංකය වන 1911 ඇමතීමෙන් ලබා ගත හැකිය.
