චීන ජාතිකයෙක් ගොඩනැගිල්ලකින් ඇදවැටෙයි

කොම්පඤ්ඤවීදිය යූනියන් පෙදෙස ප්‍රදේශයේ ඉදිකෙරෙමින් පවතින නිවාස සංකීර්ණයක ඉහළ මහලකින් බිම ඇදවැටී චීන ජාතික පුද්ගලයෙකු මියගොස් තිබේ.

පොලීසිය ප්‍රකාශ කළේ, එම ප්‍රදේශයේ පිහිටි ගොඩනැගිල්ලක 08 වන මහලෙන් එම පුද්ගලයා බිම ඇද වැටී ඇති බවය.

බරපතළ තුවාල ලැබූ අදාළ පුද්ගලයා කොළඹ ජාතික රෝහලට ඇතුළත් කිරීමේදී මියගොස් තිබේ.

එම ගොඩනැගිල්ලේ ඉදිකිරීම් කටයුතු නිරීක්ෂණය කරමින් සිටින අතරතුර එම අනතුර සිදුව ඇති බව වාර්තා වේ.

මියගොස් ඇත්තේ 24 හැවිරිදි එම ගොඩනැගිල්ලේ සහකාර ඉංජිනේරුවරයෙකු ලෙස කටයුතු කළ අයෙකු බව පොලීසිය සඳහන් කළේය.