යතුරුපැදියක් දුම්රියක ගැටෙයි

මහව, දඹුව කට්ටාඹුවාව මාර්ගයේ දුම්රිය හරස් මාර්ගයකදී යතුරුපැදියක් දුම්රියක ගැටී සිදුවූ අනතුරකින් පුද්ගලයෙකු මියගොස් තිබේ.

ඊයේ (23) උදෑසන එම අනතුර සිදුව ඇති බව පොලීසිය පැවසීය.

කට්ටාඹුවාව දෙසට ධාවනයවූ යතුරුපැදියක්, දුම්රිය හරස් මාර්ගය දෙසට ධාවනය කිරීමේදී  මහව දෙස සිට මඩකළපුව දෙසට ධාවනය වූ දුම්රිය දැකීමෙන් යතුරුපැදිය නතර කර ගැනීමට පැදිකරු උත්සාහ කර ඇත.

එහිදී පැදිකරුට පාලනය කර ගත නොහැකිව යතුරුපැදිය දුම්රිය මාර්ගයේ පෙරළීමෙන් එම අනතුර සිදුව ඇති බව පොලීසිය පැවසීය.

අනතුරින් යතුරුපැදිකරු සහ පසු පැදිකාරිය තුවාල ලබා මහව රෝහලට ඇතුළත් කර වැඩිදුර ප්‍රථිකාර සඳහා කුරුණෑගල රෝහලට මාරුකර යවා ප්‍රථිකාර ලබමින් සිටියදී යතුරපැදිකරු මියගොස් තිබේ.

එසේ මියගොස් ඇත්තේ, 50 හැවිරිදි උණගහයාය, කට්ටඹුවාව ප්‍රදේශයේ පදිංචිකරුවෙකි.

සිද්ධිය සම්බන්ධයෙන් මහව පොලීසිය වැඩිදුර විමර්ශන සිදුකරයි.