බෙලිහුල්ඔයේ ගිලී අතුරුදන් වූ සිසුවාගේ සිරුර හමුවෙයි

බෙලිහුල්ඔයේ දිය නාමින් සිටිය දී දියේ ගිලී අතුරුදන් වු පිරිමි දරුවාගේ සිරුර සොයා ගෙන තිබේ.

මතුරට පොලිස් වසමේ අඹගස්පිටිය ප්‍රදේශයේ දී බෙලිහුල්ඔයේ දියනාමින් සිටි කුඩා දැරියක් හා දරුවෙක් ඊයේ (06) දියේ ගිලී තිබුණි.

පසුව ප්‍රදේශවාසීන් විසින් දැරියව බේරාගෙන රිකිල්ලගස්කඩ රෝහලට ඇතුළත් කිරීමේ දී 14 හැවිරිදි දැරිය ජීවිතක්ෂයට පත්වුණි.

කෙසේවෙතත් දරුවාගේ සිරුර සොයා නුවරඑළිය පොලිස් ජීවිතාරක්ෂක නිලධාරීන් සහ නාවික හමුදා නිලධාරීන් මෙහෙයුම් සිදුකරනු ලැබීය.

ඒ අනුව අද දින 12 හැවිරිදි පිරිමි දරුවාගේ සිරුර සොයාගත් බව පොලීසිය පැවසීය.