රිය අනතුරකින් දැරියක් මරුට

කහටගස්දිගිලිය කුඩා පට්ටිය හන්දිය ප්‍රදේශයේදී සිදුවූ රිය අනතුරකින් 12 හැවිරිදි දැරියක් මියගොස් තවත් දෙදෙනෙකු තුවාල ලබා තිබේ.

දැරියගේ මව විසින් ධාවනය කළ යතුරුපැදිය ලොරි රථයක ගැටීමෙන් අනතුර සිදුවී ඇති බව පොලීසිය පවසයි.

ප්‍රදේශයේ පාසලක පැවති ආගමික වැඩසටහනකින් අනතුරුව අදාළ කාන්තාව තම දැරියන් දෙදෙනා සමග යතුරුපැදියකින් ගමන් කරමින් සිටියදී මෙම අනතුරට ලක්වී තිබේ.

අනතුරින් තුවාල ලැබූ මව සහ දැරියන් දෙදෙනා අනුරාධපුර රෝහලට ඇතුළත් කර ඇති අතර එහිදී එක් දැරියක් මියගොස් ඇති බව වාර්තා වෙයි.

අනතුර සිදුවන අවස්ථාවේ දැරියන් දෙදෙනා ආරක්ෂක හිස්වැසුම් පැළඳ නොසිටි බවද පොලීසිය සිදු කළ විමර්ශනවලදී අනාවරණය වී තිබේ.