දැරියක් හා කාන්තාවන් දෙදෙනෙක් ට දිවි අහිමිවෙයි

ප්‍රදේශ තුනක සිදුවූ රිය අනතුරුවලින් දැරියක් සහ කාන්තාවන් දෙදෙනෙකු ජීවිතක්ෂයට පත්ව තිබේ.

පොලීසිය ප්‍රකාශ කළේ වෙන්නප්පුව දුම්මලදෙණිය ප්‍රදේශයේදී වෑන් රථයක් මාර්ගයෙන් ඉවතට පැන මාර්ගය අසල සරුවත් විකුණමින් සිටි දැරියන් දෙදෙනෙකුගේ සහ කාන්තාවකගේ ගැටී අනතුරක් සිදුව ඇති බවය.

අනතුරින් බරපතළ තුවාල ලැබූ ඔවුන් තිදෙනා මාරවිල රෝහලට ඇතුළත් කිරීමේදී 16 හැවිරිදි වෙන්නප්පුව වෙරළපාර ප්‍රදේශයේ පදිංචිව සිටි පාසල් දැරියක් මියගොස් තිබේ.

මේ අතර දේවාලේගම ඇදුරාපොත ස්ථාල හන්දිය අසලදී කාන්තාවක් ධාවනය වෙමින් තිබූ ලංගම බස් රථයක ගැටී තවත් කාන්තාවක් මියගොස් ඇත.

මියගොස් ඇත්තේ 82 හැවිරිදි දේවාලේගම උරුලෑදෙණිය ප්‍රදේශයේ පදිංචිව සිටි කාන්තාවක බව සඳහන්ය.

එමෙන්ම මීගමුව කට්ටුව ප්‍රදේශයේදී ද ධාවනය වෙමින් තිබූ මෝටර් රථයක ගැටී කාන්තාවක් මියගොස් තිබේ.

අනතුරින් 53 හැවිරිදි  කාන්තාවක් මියගොස් ඇති අතර ඇයගේ අනන්‍යතාව මෙතෙක් තහවුරු වී නොමැති බව පොලීසිය සඳහන් කළේය.