තවත් බිහිසුණු අනතුරක් -CCTV

කුරුණෑගල - නුවර මාර්ගයේ ගැට්ටුවාන ප්‍රදේශයේදී සිදු වූ බිහිසුණු අනතුරකින් හය හැවිරිදි දරුවෙක් ඇතුළු තිදෙනෙක් බරපතළ තුවාල ලබා තිබේ.

වැන් රථයක් සහ ලොරි රථයක් මුහුණට මුහුණ ගැටීමෙන් අනතුර සිදුවන අයුරු CCTV කැමරාවක ද සටහන්ව තිබුණි.

 තුවාලකරුවන් මේ වනවිට කුරුණෑගල රෝහලට ඇතුළත් කර ඇත.

වෑන් රථය පැදවූ රියදුරුට නින්ද යාම අනතුරට හේතු වී ඇති බව පොලීසිය පවසයි.

තුවාල ලැබූ තිදෙනාම අනතුර වන අවස්ථාවේ ලොරියේ පිටුපස ගමන් කර ඇති අතර වාහන දෙක එකිනෙක ගැටීමත් සමග කුඩා දරුවා ලොරියෙන් පිටතට විසිවී ගොස් මාර්ගයේ ඇද වැටෙන අයුරු CCTV කැමරාවේ සටහන්ව තිබුණි.

වෑන් රථ රියදුරු අත්අඩංගුවට ගෙන ඇති අතර කුරුණෑගල පොලීසිය අනතුර සම්බන්ධයෙන් වැඩිදුර පරීක්ෂණ පවත්වයි.