කෙසෙල්වත්ත වෙඩිතැබීමේ තවත් තොරතුරු හෙළිදරව් වෙයි 

කොළඹ, කෙසෙල්වත්ත ප්‍රදේශයේ නිවසක් තුළට කඩාවැදුණු දෙදෙනෙක් ඊයේ (08) රාත්‍රී එම නිවසේ සිටි පුද්ගලයෙක්ට වෙඩි තබා පළාගොස් තිබේ.  

එහිදී ඔහුගේ මුහුණට බරපතළ තුවාල සිදු වී තිබේ.

දෙපාර්ශ්වයක් අතර ඇති වූ ගැටුමක් හේතුවෙන් පළිගැනීමක් ලෙස මෙම වෙඩිතැබීම සිදුකර ඇති බව පොලීසිය පවසයි.

සිද්ධිය සම්බන්ධයෙන් කොළඹ මධ්‍යම භාර ජ්‍යෙෂ්ඨ පොලිස් අධිකාරී රොෂාන් ඩයස් මහතාගේ මෙහෙයවීම යටතේ කෙසෙල්වත්ත පොලීසිය විමර්ශන ආරම්භකර ඇති බව වාර්තා වෙයි.

පොලීසිය පැවසුවේ කොළඹ, කෙසෙල්වත්ත ප්‍රදේශයේ දී පසුගිය 07 වනදා පිය පුතු දෙපළකට පිරිසක් තියුණු ආයුධවලින් පහරදී බරපතළ තුවාල සිදුකර තිබුණි.

එහිදී පියා ජීවිතක්ෂයට පත් වූ අතර අනෙක් පුද්ගලයා බරපතළ තුවාල ලැබුවාය.

මෙම වෙඩිතැබීම ඊට එකට එක කිරීමක් බවට පොලීසිය සැකකරයි.