රිදී තිරයේ සොඳුරු සිත්තම් සිනමා සාහිත්‍ය ප්‍රදර්ශනය ලබන 25 දා සිට
June 23, 2018 01:21 pm
මරදාන ශාන්ත ජෝසප් විද්‍යාලය සංවිධානය කරන රිදී තිරයේ සොඳුරු සිත්තම් සිනමා සාහිත්‍ය ප්‍රදර්ශනය ලබන 25 සහ 26 යන දෙදින තුළදී පැවැත්වීමට නියමිතව තිබේ.
ඒ පිළිබඳ දැනුවත් කිරීමේ මාධ්‍ය හමුවක් පසුගියදා පැවැත්වුණි.
විචාරශීලි බුද්ධිමත් පාසල් ප්‍රජාවක් අප සිංහල සාහිත්‍ය සඳහා යම් කිසි දායකත්වයකින් ගොඩ නැගීම මෙහි අරමුණ බව ගරු රුවන් දේශප්‍රිය පියතුමා පියතුමා සඳහන් කළේය.
මරදාන ශාන්ත ජෝසප් විද්‍යාලයේ සිංහල සාහිත්‍ය සංගමය විසින් සංවිධානය කරනු ලබන රිදී තිරයේ සොදුරු සිත්තම් සිනමා සාහිත්‍ය ප්‍රදර්ශනය ලබන 25 වන දිනය ආරම්භ වෙයි.
පාසල් ගෘහස්ත ක්‍රීඩාංගනයේදි පැවැත්වෙන මෙම ප්‍රදර්ශනය නැරඹීමේ අවස්ථාව පාසල් සිසුන් ජන සන්නිවේදන විෂය හදාරන සිසුන් හා සාමාන්‍ය ජනතාව සඳහා නොමිලේ විවෘත බව සංවිධායක කමිටුව පැවසීය.
