ඉතාලි පනින්න හැදූ කොණ්ඩ රංජි ඩුබායිහිදී අත්අඩංගුවට

අපරාධ කල්ලි සාමාජිකයෙකු වන කොණ්ඩ රංජි හෙවත් රංජිත් කුමාර ඉතාලියට පලායාමට උත්සාහ කිරීමෙදී ඩුබායිහිදි අත්අඩංගුවට ගෙන තිබේ.

එරට ආරක්ෂක අංශ විසින් මෙම සැකකරු සමග ඔහුගේ බිරිඳ හා දරුවන් අත්අඩංගුවට ගෙන ඇති අතර පසුව බිරිඳ හා දරුවන් මුදා හැර ඇත.

කොණ්ඩ රංජි හෙවත් රංජිත් කුමාර, හිටපු අමාත්‍ය මංගල සමරවීර මහතාගේ සම්බන්ධීකරණ ලේකම්වරයාගේ ඝාතනය සම්බන්ධයෙන් පොලීසියට අවශ්‍යව සිටි අයෙකු වන බව සඳහන් වේ.

සැකකරු මේ වන විට ඩුබායි හි මූලස්ථාන පොලිසියේ රඳවා සිටී.

මේ අතර කොණ්ඩ රංජි හෙවත් රංජිත් කුමාර එක්සත් අරාබි එමීර් රාජ්‍යයේ ගෝල්ඩන් වීසා නොහොත් වසර 10ක් සඳහා වීසා හිමිකරුවෙකු බව ද වාර්තා වේ.