නාඳුනන මළ සිරුරක් වෙරළට ගොඩ ගසයි

හලාවත පොලිස් වසමේ වැල්ල කසකැලේ මුහුදු තීරයට නාඳුනන මෘත ශරීරයක් ගොඩ ගසා ඇතැයි පොලීසිය පවසයි.

මෘත ශරීරයේ අනන්‍යතාවය මෙතෙක් තහවුරු වී නොමැති බවද පොලීසිය සඳහන් කරයි.

වයස අවුරුදු 45ක්  - 50ක් අතර උඩ අඩි 5 අඟල් 8ක් වන කොණ්ඩය කොටට කපා ඇති රැවුල මදක් වවා ඇති අතර උඩුකයට නිල් පාට අත්දිග කමිසයක් ඇඳ සිටින බවත් යටිකය නිර්වස්ත්‍රව ඇති බවත් පොලීසිය පවසයි.

කෙසේ වෙතත් මියගිය පුද්ගලයාගේ පපුවේ වම් පැත්තේ, 'අම්මා' යනුවෙන් ද දකුණු පැත්තේ 'විනිති' යනුවෙන් ද සිංහලෙන් පච්ච කොටා ඇති බව ද පොලීසිය සඳහන් කරයි.

හලාවත පොලීසිය වැඩිදුර විමර්ශන සිදුකරයි.