ඇඟලුම් කර්මාන්ත ශාලාවක ගින්නක් - කෝටියක දේපළ හානියක්

වාද්දුව මොරොන්තුඩුව පාරේ කන්දඋඩවත්ත ප්‍රදේශයේ ඇඟලුම් කර්මාන්ත ශාලාවක ප්‍රදර්ශනාගාරයක ගින්නක් හටගෙන ඇතැයි වාද්දුව පොලීසිය පවසයි.

මහල් තුනකින් යුත් එහි දෙවන මහලේ ගින්න හටගෙන තුන්වන මහලට සහ පළමු මහළට ගින්න පැතිරී ගොස් ඇති අතර විදුලි උපකරණ සහ රෙදිපිළි මුළුමනින්ම විනාශ වී තිබුණු බව අප වාර්තාකරු කියා සිටියේය.

කළුතර නගර සභාවේ ගිනිනිවන රථ දෙකක් යොදා ගින්න පාලනය කිරීමට කටයුතු කර තිබේ.

ගින්න ඇතිවීමත් සමගින් එහි තිබූ රෙදිපිළි විශාල ප්‍රමාණයක් එහි සේවකයින් පිටතට රැගෙන ගොස් තිබුණි.

විදුලි කාන්දුවක් ගින්නට හේතු වන්නට ඇතැයි සැකකරන අතර, සිදුව ඇති දේපළ හානිය රුපියල් කෝටියකට අධික බව සදහන් වේ.

වාද්දුව පොලීසිය පරීක්ෂණ පවත්වයි.