ගුද මාර්ගයේ හෙරොයින් සඟවා සිටි පිරිසක් අත්අඩංගුවට
March 4, 2020 04:23 pm
අම්පාර කොට්ඨාශ දුෂණ මර්ධන අංශය විසින් අම්පාර නවගම්පුර ප්‍රදේශයේදි හෙරොයින් ග්‍රෑම් 3500 ක් සමඟ සැකකරැවන් පස්දෙනෙකු අත් අඩංගුවට ගෙන තිබේ.
අම්පාර කොට්ඨාශ භාර පොලිස් අධිකාරි ජයන්ත රත්නායක මහතාට ලැබුන තොරතුරක් අනුව අම්පාර නවගම්පුර ප්‍රදේශයේ නිවාස කිහිපයක් සෝදිසි කර මෙම සැකකරැවන් පස්දෙනා අත් අඩංගුවට ගෙන ඇත.
මෙම සැකකරුවන් කොළඹ දෙමටගොඩ ප්‍රදේශයේ සිට අම්පාර දක්වා හෙරොයින් ප්‍රවාහනය කර ඇති බව අනාවරණය වි ඇත.
අත් අඩංගුවට ගත් එක පුද්ගලයෙකුගේ ගුද මාර්ගයේ හෙරොයින් සඟවා තිබු බව පොලීසිය පවසයි.
මෙම පුද්ගලයින් කොළඹ ප්‍රදේශයේ කුලි වැඩ කරන අතර අම්පාරට එන අවස්ථාවේදි හෙරොයින් රැගෙන විත් පැකට් එකක් රුපියල් 3000 බැගින් අලෙවි කරන බවද පරීක්ෂණවලදි පොලීසිය කරුණු තහවුරු කරගෙන තිබේ.
