සයුරෙන් එතෙර
BRICS විදේශ අමාත්යවරුන්ගේ හමුවට ඉරාන විදේශ ඇමති ඉන්දියාවට
May 15, 2026 03:37 pm
කලාපීය ස්ථාවරත්වය සහ බහුපාර්ශ්වික සහයෝගීතාවය ශක්තිමත් කිරීමේ වැදගත් පියවරක් ලෙස ඉරාන විදේශ අමාත්ය අබ්බාස් අරාග්චි ඉන්දීය අග්රාමාත්ය නරේන්ද්ර මෝදි හමුවී තිබේ.
ඒ, ඔහුගේ ඉන්දීය සංචාරයට සමගාමීවය.
නවදිල්ලි නුවර පැවැත්වෙන BRICS විදේශ අමාත්යවරුන්ගේ රැස්වීමට සහභාගී වීම සඳහා ඉරාන විදේශ අමාත්යවරයා මෙලෙස ඉන්දියාවට පැමිණ සිටී.
ඊට සමගාමීව ඔහු ඉන්දීය අග්රාමාත්ය නරේන්ද්ර මෝදි හමුවූ අතර එය දෙරටේ ද්විපාර්ශ්වික ගමන් මාර්ගයේ වැදගත් සන්ධිස්ථානයක් සනිටුහන් කරන බව ඉන්දීය මාධ්ය වාර්තා කරයි.
මෙම රාජ්ය තාන්ත්රික හමුව ඉස්මතු කරමින්, ඉන්දියාවේ ඉරාන තානාපති කාර්යාලයද නිල X සටහනක් තබා තිබූ බව ඉන්දීය මාධ්ය වාර්තා කළේය.
රුසියානු විදේශ අමාත්ය සර්ජි ලැව්රොව් සමඟ පැවැති සාකච්ඡාවලට සමගාමීව පැවැත්වුණු මෙම අතිශය වැදගත් සාකච්ඡාව, ඉරාන යුද්ධය ආරම්භ වීමෙන් පසු ඉන්දියාව සිදු කළ පළමු ඉහළ පෙළේ රාජ්ය තාන්ත්රික සම්බන්ධතාවය බවටත් පැවසෙයි.
