සයුරෙන් එතෙර
ලැට්වියා අගමැති ධුරයෙන් ඉල්ලා අස්වෙයි
May 14, 2026 05:03 pm
යුක්රේන ඩ්රෝන යානා ලැට්වියානු භූමියට අනවසරයෙන් ඇතුළුවීම සම්බන්ධයෙන් ඇති වූ දේශපාලන අර්බුදයකින් පසු ලැට්වියානු අගමැති එවිකා සිලිනා ධුරයෙන් ඉල්ලා අස්වී ඇත.
රුසියාව දෙසට එල්ලකළ යුක්රේන ඩ්රෝන යානා 2ක් පසුගිය මැයි 7 වැනිදා නැගෙනහිර ලැට්වියාවට කඩාවැටී තිබේ.
කෙසේ නමුත් ඒ සම්බන්ධයෙන් රාජතාන්ත්රිකව කටයුතු කළ ආකාරය ගැන සෑහීමට පත්නොවූ එරට ආරක්ෂක ඇමති ඇන්ඩ්රිස් ස්ප්රඩ්ස්, අගමැතිනියගේ ක්රියාකලාපය දැඩිව විවේචනය කර ඇත.
ඒ හේතුවෙන් ඔහුව සේවයෙන් පහකිරීමට අගමැතිනිය කටයුතු කළ අතර, ඒ වෙනුවට වෙනත් අයෙකු පත්කිරීමටද ඇය කටයුතු කළාය.
කෙසේ නමුත් ඇගේ එම තීරණයට විරෝධය පළ කරමින් ස්ප්රඩ්ස්ගේ ප්රගතිශීලී පක්ෂය, අගමැති සිලිනාගේ පාලක සන්ධානයෙන් ඉවත්විය.
ඒ හේතුවෙන් එළැඹෙන ඔක්තෝබර් මාසයේදී එරට මැතිවරණයට පැවැත්වීමට මාස කිහිපයක් තිබියදීම පාලක සන්ධානය බිඳ වැටුණි.
