අතුරුදන් අමෙරිකානු නියමුවා හොයන්න ඉරානයෙනුත් මෙහෙයුමක්

ඉරානය විසින් එල්ල කළ ප්‍රහාරයකින් බිම හෙළු අමෙරිකානු ප්‍රහාරක ජෙට් යානයේ සිටි ගුවන් නියමුවා සෙවීම සඳහා ඉරානයද මේ වනවිට මෙහෙයුමක් ආරම්භ කර ඇති බව එරට මාධ්‍ය වාර්තා සඳහන් කළේය.

ඒ අනුව එම නියමුවා සොයාදෙන්නෙකුට ත්‍යාගයක් ලබා දෙන බවට ටෙහෙරාන් රජය ඉරාන වැසියන්ට පොරොන්දුවක්ද වී තිබේ.

දකුණු ඉරානයේ දී ඊයේ (3) මෙලෙස බිම හෙළන ලද්දේ  'F-15' වර්ගයේ ප්‍රහාරක ජෙට් යානයක් වන අතර, එහි සිටි ගුවන් නියමුවන්ගෙන් එක්  අයෙකු බේරාගැනීමට හැකිවිය.

කෙසේ නමුත් අතුරුදන් නියමුවාට කුමක් සිදුවී ඇත්දැයි මෙතෙක් කිසිදු සඳහනක් නොමැත.

ඒ අනුව ඔහු සොයා අමෙරිකානු බ්ලැක්හෝක් වර්ගයේ හෙලිකොප්ටර් යානාවක්ද යොදවා තිබේ.

කෙසේ නමුත් එම හෙලිකොප්ටරයකට සෝදිසි මෙහෙයුමට ප්‍රවේශ විය නොහැකි නම්, ඒ සඳහා 'AC-130' යානයක් හරහා ගොඩබිම් මෙහෙයුමක් දියත් කිරීමටද අමෙරිකාව සූදානමින් සිටින බවද විදෙස් වාර්තාවන්හි දැක්වේ.