අතරමැදි ශ්රේණි සඳහා සිසුන් ඇතුළත් කරගැනීම ගැන දැනුම්දීමක්
April 2, 2026 07:20 pm
2026 වර්ෂයේ අතරමැදි ශ්රේණි සඳහා සිසුන් ඇතුළත් කරගැනීම සම්බන්ධයෙන් අධ්යාපන, උසස් අධ්යාපන සහ වෘත්තීය අධ්යාපන අමාත්යාංශය විසින් චක්රලේඛයක් නිකුත් කර තිබේ.
මාර්තු මස 31 වෙනිදාට අදාළව නිකුත් කර ඇති 09/2026 මෙම චක්රලේඛය අනුව 5 සහ 6 ශ්රේණි හැර සෙසු ශ්රේණිවල පවතින පුරප්පාඩු සඳහා සිසුන් ඇතුළත් කර ගැනීම සිදු කරනු ලබයි.
ඒ අනුව, 2026.01.31 දිනට ජාතික පාසල්වල අතරමැදි ශ්රේණිවල පවත්නා පුරප්පාඩු මේ සමග අධ්යාපන, උසස් අධ්යාපන සහ වෘත්තීය අධ්යාපන අමාත්යාංශ නිල වෙබ් අඩවියේ ප්රසිද්ධ කර ඇත.
එම පුරප්පාඩු සඳහා අයදුම් කිරීමට අපේක්ෂා කරන සියලු ම අයදුම්කරුවන් 09/2026 චක්රලේඛයෙහි සඳහන් අයදුම්පත්රය සම්පූර්ණ කර 2026.04.27 දිනට පෙර සියලු අතිරේක ලේඛන ද සමඟ අදාළ පාසල්වල විදුහල්පතිවරුන් වෙත ලියාපදිංචි තැපෑල මඟින් යොමු කළ යුතුය.
