''බිඳ වැටුණු ජන ජීවිතය කඩිනමින් යළි ඇරඹීමට සෑම අනුග්රහයක්ම ලබා දෙනවා''
January 9, 2026 07:05 pm
ව්යසනයෙන් අහිමි වූ ජීවිත යළි ලබා දිය නොහැකි වුවත් බිඳ වැටුණු ජන ජීවිතය යළි ආරම්භ කිරීම වෙනුවෙන් රජයෙන් ලබා දිය හැකි සෑම අනුග්රහයක්ම ලබා දෙන බව ජනාධිපති අනුර කුමාර දිසානායක මහතා පවසයි.
තම අරමුණ වන්නේ ව්යසනයට මුහුණ දුන් ජනතාවට පෙර පැවති තත්ත්වයට වඩා උසස් ජීවන තත්ත්වයක් අත්කර දීම බව පැවසු ජනාධිපතිවරයා ඒ වෙනුවෙන් වූ ශක්තිමත් වැඩපිළිවෙළ මේ වන විට සාර්ථකව ඉදිරියට ක්රියාත්මක කරමින් තිබෙන බවත්, එම ජනතාවට 2048 වන තුරු බලා සිටින ලෙස පැවසීමට තමා කටයුතු නොකරන බවත් සඳහන් කළේය.
ජනාධිපති අනුර කුමාර දිසානායක මහතා මේ බව සඳහන් කළේ ආපදාවෙන් පූර්ණ ලෙස නිවාස අහිමි වූ කුරුණෑගල දිස්ත්රික්කයේ ජනතාව වෙනුවෙන් නව නිවාස ඉදිකරදීමේ සහ වන්දි ප්රදානය කිරීමේ අවස්ථාවට අද (09) පස්වරුවේ කොබෙයිගනේ, විතිකුලිය ප්රදේශයේ එක්වෙමිනි.
ආපදාවෙන් පසු ජන ජීවිතය යළි ගොඩනැංවීම වෙනුවෙන් ආරම්භ කළ 'Rebuilding Sri Lanka' යටතේ වූ ප්රධානතම ව්යාපෘතියක් ලෙස ක්රියාත්මක PROJECT 5M වැඩසටහන යටතේ නිකවැරටිය, කොබෙයිගනේ, රස්නායකපුර, කොටවෙහෙර, පන්නල, බිංගිරිය, මහව, වාරියපොළ ප්රාදේශීය ලේකම් කොට්ඨාසවල ආපදා තත්ත්වයෙන් පූර්ණ නිවාස හානි සිදු වූ, නැවත එම ස්ථානයේම නිවස ඉදිකළ හැකි බවට තත්ත්ව සහතිකය ලද නිවාස වෙනුවෙන් නව නිවාස ඉදිකිරීම ආරම්භ කිරීම සහ වන්දි ප්රදානය මෙහිදී සිදු කෙරිණි.
ආපදාවෙන් පසු යළි නැගීසිටීමට විශාල කාලයක් ගතවනු ඇතැයි ඇතැමුන් අපේක්ෂා කළද, මේ වන විට සැලකිය යුතු ප්රමාණයකින් රට සහ ජන ජීවිතය යථා තත්ත්වයට පත් කිරීමට රජය සමත් වී තිබෙන බවත්, එහිදි වෙහෙස නොබලා ධෛර්යයෙන් සහ කැපවීමෙන් කටයුතු කළ ත්රිවිධ හමුදාව, රාජ්ය යාන්ත්රණය ඇතුළු සියලුදෙනා වෙත තම ප්රණාමය පුද කරන බවත් ජනාධිපතිවරයා මෙහිදී සඳහන් කළේය.
එමෙන්ම, ඉදිරියේදී ඕනෑම ව්යසනයකට මුහුණ දිය හැකි අන්දමින් මෙරට ආර්ථිකය ශක්තිමත් කිරීම වෙනුවෙන් එක්ව වැඩ කිරීමට එක් වන ලෙස ද ජනාධිපතිවරයා සියලුදෙනාට ආරාධනා කළේය.
