දිවයින වටා වන මුහුදු ප්‍රදේශ සඳහා රතු නිවේදනයක්

"දිට්වා '' [Ditwah] සුළිකුණාටුව කන්කසන්තුරය සිට 220 km ක් ඊසාන දෙසින්, අක්ෂාංශ 11.5°N සහ දේශාංශ 80.6°E ආසන්නයේ කේන්ද්‍රගතව වී ඇති බව කාලගුණවිද්‍යා දෙපාර්තමේන්තුව පවසයි.

මෙම පද්ධතිය තවදුරටත් දිවයිනෙන් ඉවතට, උතුරු දෙසට ගමන් කරනු ඇති බව සඳහන් වේ.

සුළි කුණාටුවේ ගමන් මාර්ගය පහතින් දක්වා ඇත

මුහුදු ප්‍රදේශ සඳහා,

මෙම පද්ධතියේ බලපෑම හේතුවෙන්, ත්‍රිකුණාමලය සිට, කන්කසන්තුරය හරහා මන්නාරම දක්වා වන මුහුදු ප්‍රදේශ වල සුළං වේගය පැ.කි.මී. (50-60) පමණ වන අතර විටින් විට හමන පැ.කි.මී. 70 දක්වා වන ප්‍රහාරාත්මක සුළං ඇති විය හැක.

දිවයින වටා වන සෙසු මුහුදු ප්‍රදේශවල සුළං වේගය පැ.කි.මී. (30-40) වන අතර හලාවත සිට පුත්තලම හරහා මන්නාරම දක්වා සහ ත්‍රිකුණාමලය සිට පොතුවිල් හරහා හම්බන්තොට දක්වා වන මුහුදු ප්‍රදේශ වල සුළං වේගය විටින් විට පැ.කි.මී. 50 පමණ දක්වා වැඩි විය හැක. මෙම මුහුදු ප්‍රදේශ විටින් විට තරමක් රළු වේ. දිවයින වටා වන සෙසු මුහුදු ප්‍රදේශ මඳ වශයෙන් රළු විය හැක.

ත්‍රිකුණාමලය සිට කන්කසන්තුරය හරහා මන්නාරම දක්වා වන මුහුදු ප්‍රදේශ වල තවදුරටත් ධීවර සහ නාවුක කටයුතු වලින් වැළකී සිටින ලෙස දැනුම් දෙනු ලැබේ.

දිවයින වටා වන සෙසු මුහුදු ප්‍රදේශවල ධීවර සහ නාවුක කටයුතු වල යෙදීම වළක්වමින් නිකුත් කල අනතුරු ඇඟවීම ඉවත් කර ඇත.