ආපදා හේතුවෙන් දරුවන්ගේ සෞඛ්‍ය අනතුරේ

ගංවතුර තත්ත්වය හා ආපදා හේතුවෙන් දරුවන් අතර බෝවන රෝග ව්‍යාප්ත වීමේ වැඩි ඉඩකඩක් පවතින බව ළමා රෝග පිළිබඳ විශේෂඥ වෛද්‍ය දීපාල් පෙරේරා මහතා පවසයි.

පාචනය, අතීසාරය, උණසන්නිපාතය, මී උණ, ඉන්ෆ්ලුවෙන්සා ආදි රෝග මෙවැනි සීත කාලගුණයක් සමඟ වැඩිවීමේ ප්‍රවණතාවයක් පවතින බව ද වෛද්‍යවරයා මෙහිදී අවධාරණය කළේය.

ගංවතුර තත්ත්වය පහව යෑමෙන් අනතුරුව ඩෙංගු සහ චිකුන්ගුන්යා වැනි රෝග ද හිස එසවීමේ අවදානමක් පවතින බව වෛද්‍ය දීපාල් පෙරේරා මහතා කියා සිටියේය.

මේ අතර මී උණ ගැන වඩාත් සැලකිලිමත් විය යුතු බවත් උණ දීර්ඝ කාලයක් පවතින්නේ නම්, උණ සමඟ ඇස් රතු වෙලා කහ වෙලා තියෙනවා නම් වතුරට යටවුණ අයට ප්‍රතිකාරවලට යොමු වෙන්න.

"කඳවුරක හිටියත් පිරිසිදු කෑම සහ වතුර ලබාදෙන්න පුළුවන් නම් ඒක තමා ලොකුම දේ. අපහසු වතුරවලින් ජීවිත හානි වුවත් සිදුවන්න පුළුවන්. අපි දානයක් දුන්නත් පිරිසිදුවට නේ දෙන්නේ. මේ දවස්වල මැස්සෝ වැඩි වෙන නිසා ආහාර පරිස්සම් කර ගන්න. ඒ මඟින් මේ තත්ත්වය අවම කරගන්න පුළුවන්. 

පාචනය හැදුනොත් ජීවනී, බැදි හාල් කැඳ, දෙහි, දොඩම්, නාරං, දෙළුම්, කෙසෙල් ගෙඩි, තැඹිලි වතුර, යෝගට් ආදි ආහාර හොඳයි ගෙදරදී. 

කඳවුරුවල ඉන්න දරුවන්ට එන්නත් නොකළ අය හිටියොත් අනිත් අයට ඉතා ඉක්මනින්ම ඒක බෝවිය හැකියි. සරම්ප, කක්කල්කැස්ස වගේ රෝග බෝවෙනවා. රජට මඟින් ලබාදෙන එන්නත් ලබාගෙන තියෙනවා නම් බොහෝ රෝගවලින් ආරක්ෂා වෙන්න පුළුවන්."

ඕන දේකට මුහුණදෙන්න අපි සුදානමින් ඉන්නවා. බය වෙන්න එපා. වතුර ගලලා ඒ තැනකට යනවා නම් මී උණ හැදෙන්න පුළුවන්. වෛද්‍ය නිර්දේශයක් ඇතුව ඒ සඳහා doxycycline 200mg පෙත්තක් ගන්න."