අයහපත් කාලගුණයෙන් ඉන්දුනීසියාවේ මරණ 303ක් - 100කට වැඩි පිරිසක් අතුරුදන්
November 30, 2025 02:19 pm
ඉන්දුනීසියාවට බලපා ඇති අයහපත් කාලගුණය හේතුවෙන් මේ වන විට මියගිය සංඛ්‍යාව 303ක් දක්වා ඉහළ ගොස් ඇති අතර මියගිය සංඛයාව තවදුරටත් ඉහළ යනු ඇති බව විදෙස් වාර්තා පවසයි.
ඉන්දුනීසියාවේ ජාතික ආපදා කළමනාකරණ ඒජන්සිය (BNP)පවසන පරිදි ව්‍යසනකාරී ගංවතුර සහ නායයෑම් වලින් මේ වන විට 100 දෙනෙකු පමණ අතුරුදන් වී ඇති අතර 500 කට වැඩි පිරිසක් තුවාල ලබා ඇති බව වාර්තා වේ.
බටහිර සුමාත්‍රාවේ අගම් දිස්ත්‍රික්කයේ ගලවා ගැනීමේ නිලධාරීන් විසින් මළ සිරුරු සොයා තවමත් මෙහෙයුම් සිදුකරන බවද සඳහන් වේ.
පුද්ගලයින් 75,219 දෙනෙකු පමණ අවතැන් වී ඇති අතර බටහිර සුමාත්‍රා පුරා පුද්ගලයින් 106,806 දෙනෙකු පීඩාවට පත්ව ඇති බව විදෙස් වාර්තා පවසයි.
ඉන්දුනීසියාවේ ගංගා ඉවුරු බිඳී ගොස් ගංවතුර කඳුකර ගම්මාන හරහා ගලා ගොස් ඇති අතර ඒ හේතුවෙන් දහස් ගණනක් නිවාස සහ ගොඩනැගිලි ජලයෙන් යට වී ඇති බව වාර්තා වේ.
