සයුරෙන් එතෙර
ජපානයේ නව අගමැතිනිය ගැන මෝදිගෙන් X සටහනක්
October 22, 2025 09:29 am
ජපානයේ නව අග්‍රාමාත්‍යවරිය ලෙස තේරී පත්වූ සනාඒ තකයිචි වෙත ඉන්දීය අග්‍රාමාත්‍ය නරේන්ද්‍ර මෝදි සුබ පැතුම් එක් කර තිබේ.
එහිදී ඔහු පවසා ඇත්තේ දෙරටේ උපායමාර්ගික හවුල්කාරිත්වය තවදුරටත් ශක්තිමත් කිරීම සඳහා ජපානය සමග සමීපව කටයුතු කිරීමට බලාපොරොත්තු වන බවය.
"ඉන්දියාවේ ජපන් විශේෂ උපායමාර්ගික සහ ගෝලීය හවුල්කාරිත්වය තවදුරටත් ශක්තිමත් කිරීම සඳහා ඔබ සමග සමීපව කටයුතු කිරීමට මම බලාපොරොත්තු වෙමි. ඉන්දු-පැසිෆික් කලාපය සහ ඉන් ඔබ්බට සාමය, ස්ථාවරත්වය සහ සමෘද්ධිය සඳහා අපගේ ගැඹුරු සබඳතා අත්‍යවශ්‍ය වේ." යනුවෙන් මෝදි x ගිණුමේ තැබූ සුබ පැතුම් පණිවුඩයේ සඳහන් කර තිබේ.
