චමරිගේ විශිෂ්ට පන්දු යැවීමෙන් ශ්‍රී ලංකාවට තියුණු ජයක්
October 20, 2025 10:31 pm
2025 කාන්තා ලෝක කුසලාන ක්‍රිකට් තරගාවලියේ ශ්‍රී ලංකාව සහ බංග්ලාදේශය අතර අද (20) පැවැති තරගය ලකුණු 7කින් ජය ගැනීමට ශ්‍රී ලංකා කණ්ඩායම සමත්විය.
තරගයේ පළමුව පන්දුවට පහර දුන් ශ්‍රී ලංකා කාන්තා ක්‍රිකට් පිල පන්දුවාර 48 යි පන්දු 4ක් අවසානයේ දී සියලුදෙනා දැවී ලකුණු 202ක් රැස් කළාය.
පිළිතුරු ඉනිම ක්‍රීඩා කළ බංග්ලාදේශ කාන්තා ක්‍රිකට් පිලට නියමිත පන්දුවාර 50 අවසානයේදී කඩුලු 9ක් දැවී රැස්කර ගැනීමට හැකි වුණේ ලකුණු 195ක් පමණි.
මෙම තරගයේදී විශිෂ්ට පන්දු යැවීමක නිරතවූ චමරි අතපත්තු අවසන් පන්දු වාරයේදී දුවද්දී දැවී යාමක්ද සමග පළමු පන්දු හතරේදී කඩුලු 4ක් දවා ගැනීමට සමත් වූවාය.
