ශ්‍රී ලාංකිකයින් 9 දෙනෙකු නීතිවිරෝධීව මැලේසියාවට ඇතුල්වීමට දැරූ උත්සාහය වරදී
August 30, 2025 06:07 pm
ශ්‍රී ලාංකිකයින් ඇතුළු 12 දෙනෙකු මැලේසියා සහ තායිලන්ත දේශසීමා හරහා මැලේසියාවට ඇතුළු වීමට තැත් කිරීමේදී එරට මැලේසියානු දේශසීමා පාලන සහ ආරක්ෂණ ඒජන්සිය විසින් ආපසු හරවා යවා ඇතැයි විදෙස් මාධ්‍ය වාර්තා කර තිබේ.
විදෙස් මාධ්‍ය වාර්තා කර ඇත්තේ මෙම පිරිස අතරට ශ්‍රී ලාංකික පිරිමි පුද්ගලයින් 8 දෙනෙකු, ශ්‍රී ලාංකික කාන්තාවක් මෙන්ම තායිලන්ත ජාතික කාන්තාවන් තිදෙනෙකුද සමන්විත වී ඇති බවය.
වලංගු වීසා බලපත්‍ර නොමැතිවීම, අවශ්‍ය රැඳී සිටීමේ කාල සීමාවන්ට අනුකූල නොවීම සහ සැක සහිත සංචාරක අරමුණු හේතුවෙන් ඔවුන්ට එම දේශසීමාවෙන් මැලේසියාවට ඇතුළු වීමට අවස්ථාව හිමිවී නොමැත.
එහිදී ඇතුළු වීම ප්‍රතික්ෂේප කර ඇති එරට බලධාරීන් ඔවුන් වෙත නියෝග කර ඇත්තේ වහාම ආපසු සිය රටවල් බලා පිටත්ව යන ලෙසය.
මෙම පිරිසට අපරාධකරුවන් හෝ බලාත්මක කිරීම් පරීක්ෂණ හඳුනාගෙන නොමැති බැවින් ඔවුන් අත්අඩංගුවට ගෙන නොමැති බවත් විදෙස් මාධ්‍ය වාර්තා කර තිබේ.
