පුංචි ඡන්දයේ ප්‍රචාරණ ආදායම් වියදම් වාර්තා ගැන දැනුම්දීමක්

2025.05.06 දින පැවති පළාත් පාලන ආයතන ඡන්ද විමසීම සඳහා තරග කරනු ලැබූ සියලුම අපේක්ෂකයන්, පක්ෂ ලේකම්වරුන්, ස්වාධීන කණ්ඩායම් නායකයන් විසින් අදාළ පළාත් පාලන ආයතනවල තේරීම්භාර නිලධාරීන් වෙත භාර දී ඇති මැතිවරණ ප්‍රචාරණ ආදායම් වියදම් වාර්තා සම්බන්ධයෙන් යම් අයෙකුට පරීක්ෂා කර බැලීමට හෝ ඒ පිළිබඳව පැමිණිලි ඉදිරිපත් කිරීමට අවස්ථාව සලසා දී ඇත.

මැතිවරණ ප්‍රචාරණ ආදායම් වියදම් වාර්තාවල සහතික කරන ලද පිටපත් එ් ඒ අදාළ දිස්ත්‍රික් මැතිවරණ කාර්යාලවල දී එළැඹෙන 07 දින සිට නීරීක්ෂණය කිරීමට අවස්ථාව සලසා දෙනු ලැබේ.

කාර්යාලයීය දිනවල පෙ.ව. 09.00 සිට ප.ව. 04.00 දක්වා යම් අයෙකුට එම පිටපත් පරීක්ෂා කර බැලීය හැකිය.

2023 අංක 3 දරන මැතිවරණ වියදම් නියාමනය කිරීමේ පනතේ 6 වන වගන්තිය ප්‍රකාරව මෙම මැතිවරණ ප්‍රචාරණ ආදායම් වියදම් වාර්තා ඉදිරිපත් කර ඇති බව මැතිවරණ කොමිෂන් සභාව පවසයි.