ලක්ෂ 10ක අධික වටිනාකමකින් යුත් වාලම්පුරි සමග අයෙකු අත්අඩංගුවට

රුපියල් ලක්ෂ දහයකට අධික වටිනාකමකින් යුතු වාලම්පූරි 10ක්, සිය මෝටර් රථයෙහි සඟවා ගෙන, අලෙවි කිරීම සදහා රැගෙන යමින් සිටි පුද්ගලයෙකු ගනේමුල්ල පොලීසිය විසින් අද (03) අත්අඩංගුවට ගෙන තිබේ.

අත්අඩංගුවට ගෙන ඇත්තේ හෝමාගම ප්‍රදේශයේ පදිංචි 40 හැවිරිදි පුද්ගලයෙකි.

එහිදී තමන් වෙත මෙම වාලම්පූරි රැගෙන ගොස් අලෙවි කර දෙන ලෙස තමන් නොහදුනන පුද්ගලයෙකු විසින් කළ බවත් එම ඉල්ලීම මත තමන් ඒවා අලෙවි කිරීම සදහා රැගෙන ගිය බව අත්අඩංගුවට ගත් පුද්ගලයා පොලීසිය හමුවේ පවසා තිබේ.

සැකකරු ගමන් ගනිමින් සිටි මෝටර් රථයද පොලිස් භාරයට ගෙන ඇති අතර සැකකරු හෙට දින ගම්පහ මහෙස්‍ත්‍රාත් අධිකරණයට ඉදිරිපත් කිරීමට නියමිතය.