ඉතිහාස ගත වූ ව්‍යවසායකයා
January 20, 2025 10:50 am
1946 වසරේ ජූනි 14 වැනිදා නිව්යෝර්ක් හි උපත ලැබූ ට්‍රම්ප් ව්‍යාපාර ක්ෂේත්‍රය දිග්විජය කළ දක්ෂ ව්‍යවසායකයෙකි.
1987 දී ක්‍රියාකාරී දේශපාලනයට පිවිසි ට්‍රම්ප් අමෙරිකාවේ 45 වැනි ජනාධිපතිවරයා ලෙස තේරීපත්වන්නේ 2016දී.
2020 ජනාධිපතිවරණයෙන් ලද අමිහිරි පරාජයෙන් පසු ඔහුගේ ආධාරකරුවන් අමෙරිකානු ප්‍රජාතන්ත්‍රවාදයේ ප්‍රතිමූර්තිය ලෙස සැලකෙන වොෂින්ටන් නුවර කැපිටල් ගොඩනැගිල්ලේ සිදුකළ කැරැල්ල සහ ගැටුම් අතරතුර හය දෙනෙකුට දිවි අහිමි වීම ට්‍රම්ප්ගේ දේශපාලන දිවියට එක්වූ විශාලම කළු පැල්ලමයි.
පරාජයෙන් පසු ට්‍රම්ප්ට එරෙහිව නඩු කිහිපයක්ම ගොනුකෙරුණු අතර, අපරාධ අධිචෝදනාවට ලක්වූ පළමු ජනාධිපතිවරයා ද ඔහු වේ.
එමෙන්ම මෙවර ජනාධිපතිවරණය සඳහා පෙන්සල්වේනියා හිදී පැවති ප්‍රචාරණ රැලියක් අතරතුර එල්ල වූ මාරක වෙඩි පහරින් ට්‍රම්ප් ජීවිතය ගලවාගත්තේ යන්තමිනි.
වසර 120කින් අනතුරුව පරාජිත ජනාධිපතිවරයෙක් නැවතත් අමෙරිකාවේ බලයට පැමිණි පළමු අවස්ථාව ලෙස මෙය ඉතිහාසයට එක්වේ.
මෙහිදී 2024 අමෙරිකානු ජනාධිපතිවරණයේ ඉතාමත් තීරණාත්මක ජනපද වන පෙන්සල්වේනියා, ජෝර්ජියා සහ උතුරු කැරොලයිනා ඇතුළු තවත් ජනපද රැසක ජයග්‍රහණය තමන් සතු කරගැනීමට ට්‍රම්ප් සමත්වුණේ ධවල මන්දිරය වෙත යන මාවත යළිත් විවෘත කරගනිමින්.
ඒ අනුව ප්‍රකාශිත ප්‍රතිඵලවලට අනුව ප්‍රතිවාදී කමලා හැරිස් පරාජය කරමින්, අමෙරිකාවේ 47 වැනි ජනාධිපතිවරයා බවට පත්වන්නට රිපබ්ලිකන් අපේක්ෂක ඩොනල්ඩ් ට්‍රම්ප් සමත්වුණි.
