පුංචි ඡන්දයට පදක්කමේ සූදානම

ඉදිරි පළාත් පාලන මැතිවරණයේදී සියලුම කොට්ඨාසවලට සර්වජන බලය තරගකරන බව එම පක්ෂයේ නායක පාර්ලිමේන්තු මන්ත්‍රී ව්‍යවසායක දිලිත් ජයවීර මහතා පවසයි.

නව වසරේ පක්ෂයේ වැඩ අරඹමින් ඔහු වැඩිදුරටත් කියා සිටියේ, සර්වජන බලයේ දේශපාලන දර්ශනය සමග ක්‍රියාකළ හැකි ඕනෑම අයෙකුට මැතිවරණය සඳහා අයැදුම්පත් යොමුකළ හැකි බවයි.

වැඩිදුරටත් අදහස් දැක් වූ ව්‍යවසායක පා. ම. දිලිත් ජයවීර මහතා,

"සර්වජන බලය මෙවර පළාත් පාලන මැතිවරණවලට ඉදිරිපත්වීමට බලාපොරොත්තු වෙනවා. පළාත් පාලන මැතිවරණ කොට්ඨාස 331කටම අපි තරගකරනවා පදක්කම යටතේ.  

අපේක්ෂකයින් ලෙස ඉදිරිපත්වීමට කැමති අපේ දේශපාලන දර්ශනය විශ්වාසකරන.., අදූෂිත දේශපාලන ප්‍රවේශය විශ්වාසකරන සියලුම ශ්‍රී ලාංකිකයින්ට පුළුවන් අපිත් එක්ක දේශපාලනය කරන්න".