ධරණී වෙතින් පත්තරෙන් නත්තල් ප්‍රජා සත්කාරක වැඩසටහනක්
December 20, 2024 10:10 pm
ධරණි පුවත්පත සංවිධාන කරන "පත්තරෙන් නත්තල්" ප්‍රජා සත්කාරක වැඩසටහන යටතේ හලාවත පදවියේ ජනතාවට බෙදාදීම සඳහා වියළි සළාක හලාවත රදගුරු මැදුරට භාරදීම අද (20) සිදු කෙරිණි.
ඒ ධරණි පුවත්පතේ නිලධාරින් රැසකගේ සහභාගිත්වයෙනි.
මෙවර අසිරිමත් නත්තල වෙනුවෙන් ධරණි පුවත්පත සංවිධාන කරන "පත්තරෙන් නත්තල්" වැඩසටහන පැවැත්වුණේ හලාවත නගරය කේන්ද්‍ර කරගනිමිනි.
ඒ අනුව අද උදෑසන ධරණි පුවත්පත් කණ්ඩායම හලාවත පදවියේ ජනතාවට බෙදාදීම සඳහා වියළි සළාක රැගෙන හලාවතට පැමිණි අතර එම කණ්ඩායමට පියතුමන්ලාගේ ආශිර්වාදයද හිමි විය.
අනතුරුව කණ්ඩායම එම වියළි ද්‍රව්‍ය හලාවත රදගුරු මැදුරට භාරදීම සිදු කෙරිණි.
ධරණි කණ්ඩායම විසින් පරිත්‍යාග කරනු ලැබූ මෙම වියළි සලාක ඉදිරියේ පුත්තලම් දිස්ත්‍රික්කයේ ජනතාවට ලබාදීමට මේවන විට සියලු කටයුතු සූදානම් කර තිබේ.
