ශ්‍රී ලංකාවට ලකුණු 210ක ඉලක්කයක්
November 17, 2024 07:17 pm
ශ්‍රී ලංකා - නවසීලන්ත දෙවන එක්දින ක්‍රිකට් තරගය පල්ලෙකැලේ ක්‍රීඩාංගණයේ දී මේ වනවිට පැවැත්වෙයි.
තරගයේ කාසියේ වාසිය දිනාගත් ශ්‍රී ලංකා කණ්ඩායම පළමුවෙන් පන්දුවට පහරදීම සඳහා නවසීලන්ත කණ්ඩායමට ආරාධනා කළේය.
අවස්ථා කිහිපයක දී තරගයට වර්ෂාවෙන් බාධා එල්ලවූ අතර මේ හේතුවෙන් තරගය පන්දුවාර 47කට සීමා කිරීමට තරග තීරකවරුන් තීරණය කළේය.
ඒ අනුව ප්‍රථමයෙන් පන්දුවට පහරදුන් නවසීලන්ත කණ්ඩායම පන්දුවාර 45යි පන්දුවක් අවසානයේ සියලුදෙනා දැවී ලකුණු 209ක් රැස්කළේය.
නවසීලන්ත කණ්ඩායම වෙනුවෙන් මාක් චැප්මන් ලකුණු 76ක් රැස්කළ අතර මිචෙල් හේ ලකුණු 49ක් රැස්කළේය.
පන්දු යැවීමේදී ජෙෆ්රි වැන්ඩසේ සහ මහීෂ් තීක්ෂණ කඩුලු 03 බැගින් දවාගත්හ.
අසිත ප්‍රනාන්දු කඩුලු 02ක් දවාගත්තේය.
තරගය ජයගැනීමට ශ්‍රී ලංකා කණ්ඩායම හිමිව ඇති ඉල්ලක්ය ලකුණු 210කි.
