සුළඟින් පැමිණි මාරයා

පහල කඩුගන්නාව මාර්ගය හරහා ගසක් කඩා වැටීමෙන් පුද්ගලයෙක් මිය ගොස් තවත් දෙදෙනෙකු තුවාල ලබා රෝහල් ගත කර ඇති බව අද දෙරණ වාර්තාකරු පවසයි.

අද(05) පස්වරු 5ට පමණ කඩුගන්නාව ප්‍රදේශයට හමා ගිය සුළඟත් සමඟ මෙම ගස කඩා වැටී  ඇති බව වාර්තා වෙයි.

මෙම ගස කඩා වැටී ඇත්තේ පහල කඩුගන්නාව මාර්ගය අසළ ඇති කඩ පෙළක් මතට වන අතර එහි සිටි පිරිමි පුද්ගලයෙකු මිය ගොස් කාන්තාවක් හා තවත් අයෙක් තුවාල ලබා තිබේ.

තුවාල ලැබූ පුද්ගලයින් මේ වන විට මහනුවර මහ රෝහලේ ප්‍රතිකාර ලබන බව අප වාර්තාකරු සඳහන් කළේය.

මිය ගිය පුද්ගලයාගේ දේහය මහනුවර මහ රෝහලේ තැම්පත් කළ ඇති අතර සිද්ධිය සම්බන්ධයෙන් මාවනැල්ල පොලීසි වැඩි දුර විමර්ශන සිදු කරයි.