ඊශ්‍රායලය - හමාස් සටන්විරාමය දීර්ඝ කිරීමට තීරණයක්

ඊශ්‍රායලය හා හමාස් සංවිධානය අතර පවතින සටන්විරාම කාලය තවදුරටත් දීර්ඝ කිරීමට තීරණය කර ඇති බව විදෙස් මාධ්‍ය වාර්තා කරයි.

ඒ අනුව ගාසා තීරයේ පවතින සටන්විරාම කාලය පෙබරවාරි මස 18වනදා දක්වා දීර්ඝ කර ඇති බව ධවල මන්දිරය ප්‍රකාශ කර ඇත.

මාස 15 කට ආසන්න කාලයක් පැවති යුදමය වාතාවරණය නිමාවට පත් කරමින් ගාසා තීරයේ පසුගිය 19වනදා සටන්විරාම කාලසීමාව ආරම්භ විය.

කෙසේවෙතත් සති හතරක පමණ කාලයක් දක්වා සටන්විරාමය පැවැත්වීමට තීරණය කර තිබු අතර එය තවදුරටත් දීර්ඝ කිරීමට අදාළ පාර්ශව කැමැත්ත පළකර ඇති බව විදෙස් මාධ්‍ය වාර්තා සඳහන් කළේය.