සයුරෙන් එතෙර
ප්‍රංශ ට්‍රෑම් රථ දෙකක් එකිනෙක ගැටී 30කට තුවාල
January 12, 2025 10:44 am
ප්‍රංශයේ ට්‍රාන්ස්බර්ග් ප්‍රවාහන මධ්‍යස්ථානයේදී ට්‍රෑම් රථ දෙකක් එකිනෙක ගැටී බරපතළ අනතුරක් සිදුව තිබේ.
එහිදී ට්‍රෑම් රථ දෙකේ ගමන් කළ පුද්ගලයින් 30 දෙනෙක් තුවාල ලබා ඇති බව වාර්තා වෙයි.
ට්‍රෑම් රථ දෙක එකිනෙක ගැටී අනතුරට ලක්වී තිබුණේ ඉන් එක් ට්‍රෑම් රථයක් හදිසියේ පථය වෙනස් කර අනෙක් පථයක් වෙත යොමුවීමෙන් අනතුරුවයි.
ඉන් පසුව එය නවත්වා තිබූ ට්‍රෑම් රියක ගැටී තිබුණි.
ඒ සමඟ විශාල දුමාරයක් ද පැතිර ගිය අතර, දුම්රියේ සිරවූ පිරිස් මුදාගැනීම ආරම්භ කෙරුණේ ඉන් අනතුරුවයි.
අනතුරින් කිසිවෙක් මියගොස් නැතත් තුවාල ලැබූවන්ගෙන් පස් දෙනෙකුගේ තත්ත්වය බරපතළ බවට වාර්තා වෙයි.
මේ අතර අනතුරට නිශ්චිත හේතු සොයා විමර්ශන ක්‍රියාත්මකයි.
