දකුණු අප්‍රිකාවට යන ශ්‍රී ලංකා ටෙස්ට් සංචිතය

ශ්‍රී ලංකාව සහ දකුණු අප්‍රිකාව අතර පැවැත්වෙන තරග දෙකකින් සමන්විත ටෙස්ට් තරගාවලිය සඳහා ශ්‍රී ලංකා සංචිතය නම්කර තිබේ. 

මෙම ටෙස්ට් තරගාවලියේ පළමු තරගය නොවැම්බර් 27 වනදා ඩර්බන් හිදී ආරම්භ වේ.

මේ අතර දෙවන ටෙස්ට් තරගය දෙසැම්බර් 5 වනදා ගෙබෙතා හිදී ආරම්භ වීමට නියමිතය.

වමතින් දඟ පන්දුයවන ලසිත් ඇඹුල්දෙණිය ශ්‍රී ලංකා කණ්ඩායමට කැඳවා ඇත්තේ වසර දෙකකට පමණ පසුවය. 

මෙම සංචාරය සඳහා දකුණතින් පිට දඟ පන්දුයවන ක්‍රීඩක රමේෂ් මෙන්ඩිස් කැඳවා නොමැති අතර ඔහු වෙනුවට පසුගිය ශ්‍රී ලංකා - නවසීලන්ත දෙවැනි ටෙස්ට් තරගයේදී ටෙස්ට් වරම් හිමිකරගත් නිශාන් පීරිස් ව නම්කර තිබේ.

මේ අතර 2019 දකුණු අප්‍රිකානු සංචාරයේදී පිතිකරුවෙක් ලෙස දස්කම් පෑ ඕෂද ප්‍රනාන්දු ද මෙම සංචාරය සඳහා කැඳවා ඇති අතර පසුගිය එංගලන්ත ටෙස්ට් තරග සංචාරය සඳහා එක්වූ නිශාන් මධුෂ්ක ට සිය ස්ථානය අහිමිවී ඇත. 

ශ්‍රී ලංකා සංචිතය මෙසේය,

ධනංජය ද සිල්වා (නායක)
පැතුම් නිස්සංක
දිමුත් කරුණාරත්න
දිනේෂ් චන්දිමාල්
ඇන්ජලෝ මැතිව්ස්
කුසල් මෙන්ඩිස්
කමිඳු මෙන්ඩිස්
ඕෂද ප්‍රනාන්දු
සදීර සමරවික්‍රම
ප්‍රබාත් ජයසූරිය
නිශාන් පීරිස්
ලසිත් ඇඹුල්දෙණිය
මිලාන් රත්නායක
අසිත ප්‍රනාන්දු
විශ්ව ප්‍රනාන්දු
ලහිරු කුමාර
කසුන් රාජිත