උණුසුම් පුවත්
ගිං ගඟ සහ අත්තනගලු ඔය අවට පහත්බිම් සඳහා වූ ගංවතුර අනතුරු ඇඟවීම දීර්ඝ කෙරේ
ගිං ගඟ සහ අත්තනගලු ඔය ගංගා ද්‍රෝණිවල පහත්බිම් ප්‍රදේශ සඳහා නිකුත් කර තිබූ ගංවතුර අනතුරු ඇඟවීමේ නිවේදන ඉදිරි පැය 24 සඳහා දීර්ඝ කිරීමට වාරිමාර්ග දෙපාර්තමේන්තුව පියවර ගෙන තිබේ.
අද (11) රාත්‍රී 10 ට නිකුත් කළ නවතම අනතුරු ඇඟවීමේ වාර්තාවන්ට අනුව මෙම තීරණ ගෙන ඇත.
මේ හේතුවෙන් අදාළ ගංගා ද්‍රෝණිවල පහත්බිම්වල පදිංචි මහජනතාව ඉදිරි කාලය තුළ දැඩි විමසිල්ලෙන් කටයුතු කරන ලෙස වාරිමාර්ග දෙපාර්තමේන්තුව ඉල්ලා සිටියි.
එසේම එම ප්‍රදේශ හරහා වැටී ඇති මාර්ගවල, විශේෂයෙන්ම අතුරු මාර්ගවල ධාවනය වන වාහනවල රියදුරන් මෙම තත්ත්වය පිළිබඳව අවධානයෙන් පසුවන ලෙසත්, ඇතිවිය හැකි අවදානම් තත්ත්වයන් ගැන අවධානයෙන් කටයුතු කරන ලෙසටත් උපදෙස් ලබා දී ඇත.
