රුමේෂ් තරංග හෙල්ල විසිකිරීමේ ක්‍රීඩාවේ දැක්වූ විශිෂ්ට දක්ෂතා හේතුවෙන් 'ලෝක මලල ක්‍රීඩා වසරේ ක්‍රීඩකයා' (World Athletics Athlete of the Year) සම්මානය සඳහා හිමි වූ නිර්දේශ අතරින් 8 වැනි ස්ථානයට පත්ව ඇත.
මෑතකදී නිමාවට පත් වූ ජාත්‍යන්තර තරගාවලි රැසකදී විශිෂ්ට දස්කම් දැක්වීමට රුමේශ් සමත් විය.
ඒ අනුව, 2026 වසරේ ආසියානු ක්‍රීඩා උළෙලේදී මෙන්ම පොදුරාජ්‍ය මණ්ඩලීය ක්‍රීඩා උළෙලේදීත් රන් පදක්කම් දිනා ගැනීමට ඔහු සමත් වූ අතර, ඩයමන්ඩ් ලීග් (Diamond League) ශූරතාව ද තමන් සතු කරගත්තේය.
මීට අමතරව, මීටර 92.62 ක දක්ෂතාවක් දක්වමින් ඔහු සිය පෞද්ගලික හොඳම දක්ෂතාව මෙන්ම නව ජාතික වාර්තාවක් ද පිහිටුවීමට සමත් විය.
මෙම විශිෂ්ට ජයග්‍රහණයත් සමඟ ලෝක මලල ක්‍රීඩා සම්මාන උළෙලේ ප්‍රධාන නාම අතරට පිවිසි පළමු ශ්‍රී ලංකිකයා ලෙස ඉතිහාසයට එක්වීමට රුමේශ් තරංගට හැකි විය.
ශ්‍රී ලංකා ගුවන් හමුදාව නියෝජනය කරන මෙම දක්ෂ ක්‍රීඩකයාගේ මෙම ජයග්‍රහණය සමස්ත රටටම මෙන්ම ලෝක මලල ක්‍රීඩා පිටියේ ශ්‍රී ලංකා නාමය ඉහළට ඔසවා තැබීමට සමත් වූ සුවිශේෂී සන්ධිස්ථානයක් ලෙස සැලකේ.
