පාකිස්තානයේ පැවැත්වෙන තුන්කොන් එක්දින ක්‍රිකට් තරගාවලියේ පස්වැනි තරගයෙන් සත්කාරක පාකිස්තාන කණ්ඩායම කඩුලු 8කින් පරාජය කිරීමට ශ්‍රී ලංකා කණ්ඩායම සමත් විය.
ලාහෝර්හිදී පැවැති මෙම තරගයේ පළමුව පන්දුවට පහරදුන් පාකිස්තාන කණ්ඩායමට පන්දුවාර 25.3කදී සියලු දෙනා දැවී රැස්කරගත හැකි වූයේ ලකුණු 110ක් පමණි.
පාකිස්තාන ඉනිම අඩපණ කළ දිල්ෂාන් මධුශංක පන්දුවාර 8.3කදී ලකුණු 34ක් ලබාදී කඩුලු 5ක් දවාගනිමින් විශිෂ්ට පන්දු යැවීමක නිරත විය.
සහන් ආරච්චිගේ කඩුලු 2ක් දවාගත් අතර අසිත ප්‍රනාන්දු, එෂාන් මාලිංග සහ දුනිත් වෙල්ලාලගේ එක් කඩුල්ල බැගින් බිඳහෙළූහ.
පාකිස්තාන පිතිකරුවන් අතරින් බාබර් අසාම් ලකුණු 29ක් රැස්කරමින් වැඩිම ලකුණු ලාභියා බවට පත්විය. හසන් නවාස් ලකුණු 17ක් ලබාගත්තේය.
ජයග්‍රහණය සඳහා ලකුණු 111ක ඉලක්කයක් හඹාගිය ශ්‍රී ලංකා කණ්ඩායම පන්දුවාර 18.1කදී කඩුලු 2ක් පමණක් දැවී ලකුණු 114ක් ලබාගනිමින් ජය තහවුරු කළේය.
ශ්‍රී ලංකා ඉනිමේ වැඩිම ලකුණු ලාභියා වූ කමිඳු මෙන්ඩිස් පන්දු 62කදී හතරේ පහර 8ක් සහ හයේ පහර 2ක් සමඟ නොදැවී ලකුණු 62ක් රැස් කළේය.
අවිශ්ක ප්‍රනාන්දු ලකුණු 16ක් ලබාගත් අතර කුසල් මෙන්ඩිස් ලකුණු 8කට දැවී ගියේය.
පවන් රත්නායක නොදැවී ලකුණු 23ක් රැස්කරමින් කමිඳු මෙන්ඩිස් සමඟ එක්ව කණ්ඩායම ජයග්‍රහණය කරා රැගෙන ගියේය.
ඒ අනුව ශ්‍රී ලංකා කණ්ඩායම කඩුලු 8ක පහසු ජයක් වාර්තා කළේ තවත් පන්දුවාර 32.5ක් ඉතිරිව තිබියදීය.
පාකිස්තාන ඉනිම විනාශ කරමින් කඩුලු 5ක් දවාගත් දිල්ෂාන් මධුශංක තරගයේ කැපී පෙනෙන දක්ෂතාව දැක්වීය.
