රත්නපුර දිස්ත්‍රික්කයේ රත්නපුර, අයගම, පැල්මඩුල්ල, කුරුවිට, ඇලපාත සහ ඕපනායක යන ප්‍රාදේශීය ලේකම් කොට්ඨාස සඳහා නායයෑමේ රතු අනතුරු ඇඟවීම් නිකුත් කර තිබේ.
අද (26) පස්වරු 2.45ට නිකුත් කළ එම නිවේදනය හෙට (27) පස්වරු 2.45 දක්වා වලංගු වන බව ජාතික ගොඩනැගිලි පර්යේෂණ සංවිධානය පවසයි.
මීට අමතරව, ප්‍රාදේශීය ලේකම් කොට්ඨාස රැසකට දෙවන මට්ටමේ (ඇම්බර්) සහ පළමු මට්ටමේ (කහ) නායයෑම් අනතුරු ඇඟවීම් ද නිකුත් කර තිබේ.
දෙවන මට්ටමේ (ඇම්බර්) අනතුරු ඇඟවීම් නිකුත් කර ඇති ප්‍රදේශ
කළුතර දිස්ත්‍රික්කයේ :- වලල්ලාවිට, දොඩංගොඩ, බුලත්සිංහල සහ මදුරාවල
මහනුවර දිස්ත්‍රික්කයේ :- උඩුනුවර සහ පස්බාගේ කෝරළය
කෑගල්ල දිස්ත්‍රික්කයේ :- දෙහිඕවිට, අරණායක, ගලිගමුව සහ දැරණියගල
කුරුණෑගල දිස්ත්‍රික්කයේ :- කුරුණෑගල
නුවරඑළිය දිස්ත්‍රික්කයේ :- අඹගමුව කෝරළය, කොත්මලේ නැගෙනහිර සහ නොර්වුඩ්
රත්නපුර දිස්ත්‍රික්කයේ :- නිවිතිගල, කිරිඇල්ල, බලංගොඩ, ඇහැලියගොඩ සහ කලවාන
අනතුරු ඇඟවීමේ මට්ටම 1- විමසිලිමත් වන්න (කහ)
ගාල්ල දිස්ත්‍රික්කයේ :- කරන්දෙණිය සහ තවලම
ගම්පහ දිස්ත්‍රික්කයේ :- අත්තනගල්ල
කළුතර දිස්ත්‍රික්කයේ :- මිල්ලනිය, ඉංගිරිය, බේරුවල, හොරණ සහ පාලින්දනුවර
මහනුවර දිස්ත්‍රික්කයේ :- උඩපළාත, උඩදුම්බර සහ ගඟ ඉහළ කෝරළය
කෑගල්ල දිස්ත්‍රික්කයේ :- රුවන්වැල්ල, වරකාපොළ, කෑගල්ල, මාවනැල්ල සහ යටියන්තොට
කුරුණෑගල දිස්ත්‍රික්කයේ :- මාවතගම, නාරම්මල සහ අලව්ව
නුවරඑළිය දිස්ත්‍රික්කයේ :- බටහිර කොත්මලේ
රත්නපුර දිස්ත්‍රික්කයේ :- ඉඹුල්පේ, වැලිගෙපොළ, කහවත්ත සහ කොළොන්න
මේ අතර අද රාත්‍රියේ වර්ෂාපතනය වැඩිවීමත් සමඟ නායයෑමේ අවදානම ඉහළ යා හැකි බැවින් කඳුකර ප්‍රදේශවල ජනතාව විශේෂ අවධානයෙන් පසුවිය යුතු බව ජාතික ගොඩනැගිලි පර්යේෂණ සංවිධානය පවසයි.
එහි අධ්‍යක්ෂ ජනරාල් ගාමිණී ජයතිස්ස මහතා සඳහන් කළේ, පසුගිය දිනවල ලැබුණු වර්ෂාපතනය හේතුවෙන් පස සංතෘප්ත වී ඇති බැවින් ඉදිරියේදී නායයෑම් සහ පස් කණ්ඩි කඩා වැටීම් සිදුවීමේ අවදානමක් පවතින බවය.
මේ වන විට සුළු නායයෑම් ආශ්‍රිත සිදුවීම් 117ක් වාර්තා වී ඇති බව ද ඔහු සඳහන් කළේය.
විශේෂයෙන්ම නිවාස පිටුපස අස්ථාවර පස් කණ්ඩි පවතින ස්ථානවලදී ඒ ආශ්‍රිතව ගැවසීමෙන් වළකින ලෙස කඳුකර ප්‍රදේශවල ජනතාවගෙන් ඉල්ලා සිටින බව ද ඔහු පැවසීය.
එමෙන්ම, නායයෑම් අවදානම් සහිත ප්‍රදේශවල ස්වයංක්‍රීය වර්ෂාමාන 480ක් ස්ථාපිත කර ඇති බවත්, ඒවායෙන් ලැබෙන තත්කාලීන දත්ත මත නායයෑම් අනතුරු ඇඟවීම් නිකුත් කරන බවත් ගාමිණී ජයතිස්ස මහතා සඳහන් කළේය.
ඒ අනුව, නිකුත් කරන අනතුරු ඇඟවීම්වලට අවධානය යොමු කර ඒ අනුව කටයුතු කරන ලෙස ජනතාවගෙන් ඉල්ලා සිටි ඔහු, නායයෑම් හේතුවෙන් ජීවිත හානි සිදුවීමේ අවදානම ඉහළ බැවින් ආරක්ෂාව සම්බන්ධයෙන් විශේෂ සැලකිල්ලක් දක්වන ලෙස ද අවධාරණය කළේය.
