මෙම වසරේ ජනවාරි සිට අගෝස්තු දක්වා මාස අටක කාලය තුළ මෙරට ඉන්ධන ආනයනය සඳහා අමෙරිකානු ඩොලර් මිලියන 4,072.1ක් වැය කර ඇතැයි ශ්‍රී ලංකා මහ බැංකුව පවසයි.
මහ බැංකුව නිකුත් කළ වාර්තාවට අනුව, එය 2025 වසරේ එම කාලයට සාපේක්ෂව 61.6%ක වැඩිවීමකි.
පසුගිය 2025 වසරේ ජනවාරි සිට අගෝස්තු මාසය දක්වා කාලයේ ඉන්ධන ආනයනය සඳහා වැය වී ඇති මුදල අමෙරිකානු ඩොලර් මිලියන 2,520.6කි.
ඒ අනුව මහ බැංකු දත්ත මත ගණනය කිරීමේදී, මේ වසරේ එම කාලයේ ඉන්ධන ආනයන වියදම පසුගිය වසරට වඩා අමෙරිකානු ඩොලර් මිලියන 1,551.5කින් ඉහළ ගොස් තිබේ.
මේ අතර 2026 අගෝස්තු මාසයේ පමණක් ඉන්ධන ආනයනය සඳහා අමෙරිකානු ඩොලර් මිලියන 450.6ක් වැය වී ඇති අතර, එය 2025 අගෝස්තු මාසයට සාපේක්ෂව 76.5%ක වැඩිවීමකි.
2025 අගෝස්තු මාසයේ ඉන්ධන ආනයන වියදම අමෙරිකානු ඩොලර් මිලියන 255.2ක් විය.
ඒ අනුව මහ බැංකු දත්ත අනුව ගණනය කිරීමේදී, 2026 අගෝස්තු මාසයේ ඉන්ධන ආනයන වියදම 2025 අගෝස්තු මාසයට සාපේක්ෂව අමෙරිකානු ඩොලර් මිලියන 195.4කින් ඉහළ ගොස් තිබේ.
එමෙන්ම 2026 අගෝස්තු මාසයේ පිරිපහදු කළ ඛනිජ තෙල් ආනයනය සඳහා අමෙරිකානු ඩොලර් මිලියන 321.9ක් වැය වී තිබේ.
පසුගිය 2025 වසරේ අගෝස්තු මාසයේ ඒ සඳහා වැය වී ඇත්තේ අමෙරිකානු ඩොලර් මිලියන 202.9කි.
ඒ අනුව පිරිපහදු කළ ඛනිජ තෙල් ආනයන වියදම වාර්ෂික පදනමින් 58.7%කින් ඉහළ ගොස් තිබේ.
