උණුසුම් පුවත්
මල්වතුහිරිපිටිය පොලිස් සැරයන්වරයෙකුගේ වැඩ තහනම්
මල්වතුහිරිපිටිය පොලිස් ස්ථානයේ සැරයන්වරයෙකුගේ වැඩ තහනම් කිරීමට පොලිසිය පියවර ගෙන තිබේ.
ඒ එම ප්‍රදේශයේදී පසුගිය 26 වැනි දින අත්අඩංගුවට ගත් පුද්ගලයෙකු ඇප මත මුදා හැරීම සඳහා යම් අයෙකුගෙන් අල්ලස් ඉල්ලීමේ සිදුවීමක් සම්බන්ධයෙන් සිදුකළ විමර්ශනයක් අනුවය.
අදාළ සිදුවීම සම්බන්ධව වීඩියෝ පටයක් සමාජ මාධ්‍යයෙහි හුවමාරු වී තිබූ අතර ඒ අනුව සිද්ධිය සම්බන්ධයෙන් ගම්පහ සහකාර පොලිස් අධිකාරීවරයා යටතේ විමර්ශනයක් ආරම්භ කර තිබුණි.
අදාළ විමර්ශනය මගින් අනාවරණය වූ කරුණු අනුව අදාළ පොලිස් සැරයන්වරයාගේ වැඩ තහනම් කිරීමට පොලිසිය පියවර ගෙන ඇත.
එමෙන්ම මෙම සිද්ධිය සම්බන්ධව ගම්පහ පොලිස් කොට්ඨාසය භාර ජ්‍යෙෂ්ඨ පොලිස් අධිකාරීවරයා යටතේ තවදුරටත් මූලික විමර්ශන ක්‍රියාත්මක බවද පොලිසිය සඳහන් කළේය.
