99 වැනි ඇකඩමි (ඔස්කාර්) සිනමා සම්මාන උළෙල සඳහා මෙරට නිල නියෝජිත චිත්රපටිය ලෙස ලලිත් රත්නායක විසින් අධ්යක්ෂණය කරන ලද රිවස්ටන් චිත්රපටය තෝරාගෙන තිබේ.
චිත්රපට තේරීම් කමිටුවේ ජූරි සභිකයින් විසින් අදාළ චිත්රපටිය තෝරාගෙන ඇත.
මේ සම්බන්ධව අද (28) රජයේ ප්රවෘත්ති දෙපාර්තමේන්තුවේ පැවති ප්රවෘත්ති සාකච්ඡාවේදී අදහස් දක්වමින් ශ්රී ලංකා ජාතික ඔස්කා තේරිම් කමිටුවේ සභාපති සහ චිත්රපටි සංස්ථාවේ සභාපති සුදත් මහදිවුල්වැව මහතා පැවසුවේ කමිටුව මගින් අදාළ සුදුසුකම් සහ නිර්ණායක සැපුරූ බැවින් මෙම චිත්රපටිය තෝරා ගත් බවය.
කමිටු සමාජිකයින් ලෙස චිත්රපට අධ්යක්ෂක අශෝක හඳගම, කැමරා අධ්යක්ෂක සහ ග්රන්ථ කතුවරයෙකු වන එම්.ඩී මහින්දපාල, චිත්රපට නිෂ්පාදක, චිත්රපට සංස්කාරක රවීන්ද්ර ගුරුගේ, චිත්රපටි අධ්යක්ෂිකාවක සහ අන්තර්ජාතික චිත්රපටි සිනමා උළෙලවල් අධ්යක්ෂිකාවක වන අනෝමා රාජකරුණා, සිනමා අධ්යාපනඥ අරුණ ගුණරත්න, චිත්රපටි අධ්යක්ෂ. චිත්රපටි නිෂ්පාදක විසාකේස චන්ද්රසේකරම්, චිත්රපට සංගීත අධ්යක්ෂක ලක්ෂ්මන් ජෝෂප් ද සේරම්, කමිටු ලේකම් චිත්රපට සමූහ නිෂ්පාදක සිනමා ජනමාධ්යවේදී උදිත ලක්මාල් කහඳවාආරච්චි යන මහත්මීන් කටයුතු කර තිබේ.
ඔස්කාර් සිනමා උළෙල සඳහා මෙරටින් සිනමා නිර්මාණ 05ක් සහ එක් දමිළ චිත්රපටියක් තේරීම් කමිටුව වෙත ඉදිරිපත් වූ බවත් ඒ අනුව සංජීව පුෂ්පකුමාර අධ්යක්ෂණ්ය කළ විහඟ ප්රේමය, චත්ර වීරමන් අධ්යක්ෂණය කළ ආයු, චමින්ද ජයසූරිය අධ්යක්ෂණය කළ ෆාදර්, සුකිතරන් කිස්තුරාජා සහ ජැන්සන් රාජේන්සන් අධ්යක්ෂණය කළ ඇන්තෝනි, ලලිත් රත්නායක අධ්යක්ෂණය කළ රිවස්ටන්, දිල්ෂාර ජයමාන්න අධ්යක්ෂණය කළ ක්රිකට් සාදු නම් චිත්රපටි චිත්රපට සංස්ථාවට අයදුම්පත්ර ලෙස ලැබී තිබේ.
මෙම චිත්රපට අතුරින් නිර්නායක 16ක් සපුරා ඇති චිත්රපටි 4ක් මෙරට ඔස්කා චිත්රපට තේරීම් කමිටුව විසින් තෝරාගෙන ඇති අතර ඒ අනුව ක්රිකට් සාදු, රිවස්ටන්, ඇන්තනී සහ ෆාදර් යන චිත්රපට තෝරා ගෙන තිබුණි.
ඉන් චිත්රපට 2ක් අවසන් අදියරට තෝරගෙන ඇති අතර ඒ අනුව රිවස්ටන් සහ ෆාදර් චිත්රපටිය අවසාන චිත්රපට දෙක සඳහා තෝරා ගෙන තිබේ.
ඉන් ඔස්කාර් නිල චිත්රපටිය ලෙස රිවස්ටන් චිත්රපටිය තෝරාගත් බව මෙරට ඔස්කා චිත්රපට තේරීම් කමිටුවේ ජූරි සභිකයින් විසින් අද නිවේදනය කරනු ලැබූ අතර ඒ අනුව 99 වැනි ඇකඩමි සම්මාන උළෙල සඳහා මෙරටින් පළමුවරට රිවස්ටන් චිත්රපටිය යොමු කිරීමට නියමිතය.
