පස් කන්දක් කඩා වැටීමෙන් ඇනහිට තිබු හැටන් - කොළඹ ප්රධාන මාර්ගයේ ගමනාගමන කටයුතු යථා තත්ත්වයට පත් කර තිබේ.
පවතින වැසි අධික කාලගුණ තත්ත්වය හේතුවෙන් ඊයේ (24) පස්වරු 6.00ට පමණ කුයිල් වත්ත ප්රදේශයෙන් පස්කන්දක් කඩා වැටීමෙන් එම මාර්ගයේ ගමනාගමන කටයුතු පැය කිහිපයකට ඇනහිට තිබූ බව සඳහන්ය.
එමෙන්ම අතුරු මාර්ග රැසක ගමනාගමනය මේ වනවිට යථා තත්ත්වයට පත් කිරීමට පොලීසිය සහ මාර්ග සංවර්ධන අධිකාරිය කටයුතු කර ඇත.
මේ අතර හැටන් බස් නැවතුම්පොළට ඉහළින් වූ පස් කන්දක් ගාල් කර තිබූ මස්කෙළිය බස් රථයක් අසළට ඊයේ (24) පස්වරුවේ කඩා වැටී තිබූ බව සඳහන්ය. ඉන් කිසිවෙකුටත් අනතුරක් සිදු නොවූ අතර පස් කන්ද යලි කඩා වැටිමේ අවධානමක් පවතියි.
පවතින වර්ෂාවත් සමග හැටන් නුවරඑළිය ප්රධාන මාර්ගයෙත්, හැටන් කොළඹ ප්රධාන මාර්ගයෙත්, අතුරු මාර්ගවලත් පස් කදු කඩා වැටීමේ අවධානමක් පවතින බැවින් එම මාර්ගවල රථවාහන ධාවනය කිරිමේදි සැළකිලිමත්ව රිය ධාවනය කරන ලෙස හැටන් පොලිසිය රියදුරන්ගෙන් ඉල්ලා සිටියි.
එමෙන්ම ඉහළ කොත්මලේ ජලාශයේ සහ ලක්ෂපාන ජලාශයේ වාන් දොරටු දෙක බැගින් විවෘත කර ඇති අතර සෙසු ජලාශවල ජලමට්ටම් ඉහළ ගොස් ඇති බව ජලාශ භාර ඉංජිනේරුවරුන් සඳහන් කරයි.
