තම වෘත්තීය ජීවිතයේ ප්රධාන අවධානය නීති වෘත්තිය වෙනුවට ගණකාධිකරණය වෙත යොමු වූයේ නම්, සිය වෘත්තීය ගමන මීට වඩා වෙනස් වන්නට ඉඩ තිබූ බව නීතිඥ රජීව් අමරසූරිය මහතා පවසයි.
සිය ෆේස්බුක් ගිණුමේ සටහනක් තබමින් ඔහු සඳහන් කර ඇත්තේ නීතිඥයෙකු මෙන්ම ගණකාධිකාරීවරයෙකු ලෙසද තම වෘත්තීය ගමන තුළ එම වෘත්තීන් දෙකටම වැදගත් ස්ථානයක් හිමිව ඇති බවය.
තම වෘත්තීය ජීවිතය ප්රධාන වශයෙන් නීති වෘත්තිය වෙත යොමුව තිබුණද, ගණකාධිකරණයෙන් ලැබූ පදනම නීතිය, මූල්යය, නියාමනය සහ යහපාලනය එකිනෙක සම්බන්ධ වන අවස්ථාවලදී තම කාර්යයන් වෙත ප්රවේශ වන ආකාරයට අඛණ්ඩව බලපෑම් කර ඇති බවද ඔහු සඳහන් කරයි.
තාක්ෂණය සහ කෘත්රිම බුද්ධිය නීතිය සහ ගණකාධිකරණය ඇතුළු වෘත්තීන් වේගයෙන් පරිවර්තනය කරමින් පවතින පසුබිමක එම සබඳතාව තවදුරටත් වැදගත් වෙමින් පවතින බවයි රජීව් අමරසූරිය මහතා පෙන්වා දෙයි.
ඒ අනුව 47 වන ජාතික වරලත් ගණකාධිකාරී සමුළුව වන FUSION 2026 හි “Future Focus” සංවාදයට එක්වීමට ලැබීම පිළිබඳව තමන් විශේෂයෙන් සතුටු වන බවද ඔහු සඳහන් කර තිබේ.
මූල්ය ක්ෂේත්රයේ අනාගතය පිළිබඳ සංවාදයට නීතිමය දෘෂ්ටිකෝණයක් එක් කිරීමට බලාපොරොත්තු වන බවද නීතිඥ රජීව් අමරසූරිය මහතා සිය සටහනෙන් වැඩිදුරටත් පවසා තිබේ.
