උණුසුම් පුවත්
ඉහළ කොත්මලේ ජලාශයේ වාන් දොරටුවක් විවෘත කරයි
ඉහළ කොත්මලේ ජලාශයේ එක් වාන් දොරටුවක් අද (24) දින විවෘත කිරීමට පියවර ගත් බව ජලාශභාර ඉංජිනේරුවරුන් පවසයි.
ඒ, එම ජලාශයේ පෝෂක ප්රදේශවලට අද අලුයම සිට ඇදහැලෙන අධික වර්ෂාව හේතුවෙනි.
ඉහළ කොත්මලේ ජල පෝෂක ප්රදේශවලට තවදුරටත් අධික වැසි පතිත වුවහොත් එම ජලාශයේ සෙසු වාන් දොරටු ස්වයංක්රියව විවෘත වේ.
ඒ හේතුවෙන් ජලාශ වේල්ලට පහළින් කොත්මලාඔයේ දෙපස පදිංචිකරුවන් සැලකිලිමත් ලෙස සිටින ලෙස ආපදා කළමනාකරණ ඒකකය ඉල්ලා සිටියි.
ප්රදේශයට ඇද හැලෙන අධික වර්ෂාවත් සමග සෙන් ක්ලෙයාර් සහ ඩෙවෝන් දිය ඇලිවල ජල ධාරිතාව ඉහළ ගොස් ඇති බව සඳහන්ය.
