මෙරට පූර්ව ළමා වියේ පසුවන ළමුන්ගේ ඩිජිටල් තිර භාවිතයේ ශීඝ්ර වැඩිවීමක් දක්නට ලැබෙන බව සෞඛ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ මහතා පවසයි.
ඔහු පෙන්වා දෙන්නේ සිදුකළ සමීක්ෂණයකට අනුව පූර්ව ළමාවියේ ළමුන්ගෙන් සියයට 64ක් දිනකට පැය භාගයකට වැඩි කාලයක් ජංගම දුරකථන හෝ පරිගණක නරඹමින් කාලය ගත කරන බවට අනාවරණය වී ඇති බවය.
ලෝක සෞඛ්ය සංවිධානයේ නිර්දේශ අනුව කුඩා දරුවෙකු ඩිජිටල් තිර භාවිතා කළ යුතු වන්නේ දිනකට පැය භාගයට අඩු කාලයක් බව විශේෂඥ වෛද්ය අනිල් ජාසිංහ මහතා සඳහන් කළේය.
මෙම තත්ත්වය සැලකිල්ලට ගනිමින් පෙර පාසල් දරුවන්ට සෞඛ්ය ප්රවර්ධන වැඩසටහනක් මෙන්ම මාර්ගෝපදේශ මාලාවක් හඳුන්වාදීමට සෞඛ්ය අමාත්යාංශය පියවර ගෙන තිබේ.
ඒ සම්බන්ධයෙන් දැනුවත් කිරීම සඳහා සෞඛ්ය ප්රවර්ධන කාර්යාංශයේ පැවති මාධ්ය හමුවකට එක්වෙමින් අමාත්යංශ ලේකම් විශේෂඥ වෛද්ය අනිල් ජාසිංහ මහතා මෙලෙස අදහස් පළ කළේය.
“ලංකාවේ 64%ක් ළමයි Screen Time එක ඒ කියන්නේ ෆෝන් එකේ හෝ පෑඩ් එක වෙන්න පුළුවන් දවසට විනාඩි 30ට වඩා වැඩියි. මේක විනාඩි 30ට අඩු විය යුතුයි කියන එක තමා ලෝක සෞඛ්ය සංවිධානයේ නිර්නායකවල තියෙන්නේ. මේ අතර ළමයින්ගෙන් 32%ක් පමණ දවසකට පැය 10 – 11කට වඩා අඩු කාලයක් නිදාගැනීම. ළමුන් 43%ක් පමණ ආහාර ගන්නා විට Screen එකත් එක්ක ආහාර ගන්නේ. මේක උගුරෙන් පහළට යද්දි කෑම ගැන ළමයින්ගේ ඔළුවේ නැතුව ඇති. මේ අතර 80%ක් පමණ ළමයි තමා දෙපාරක් දත් මදින්නේ.”
එහිදී වැඩිදුරටත් අදහස් දැක් වූ සෞඛ්ය අමාත්යාංශයේ ලේකම් විශේෂඥ වෛද්ය අනිල් ජාසිංහ මහතා,
