පාකිස්තාන ක්රිකට් පන්දු යැවීමේ පුහුණුකරු ඇෂ්ලි නොෆ්කේ තම ධුරයෙන් ඉවත් වී, වසර 2ක කාලයක් සඳහා නෙදර්ලන්ත පිරිමි ක්රිකට් කණ්ඩායමේ ප්රධාන පුහුණුකරු ධුරය භාරගැනීමට තීරණය කර ඇත.
ඒ අනුව ජපානයේ පැවැත්වෙන 2026 ආසියානු ක්රීඩා උළෙලෙන් අනතුරුව ඔහු නව ධුරයේ වගකීම් භාරගැනීමට නියමිතය.
ඔස්ට්රේලියානු හිටපු තුන්ඉරියව් ක්රීඩකයෙකු වන නොෆ්කේ, පාකිස්තාන ක්රිකට් සමග වූ ගිවිසුම 2027 ජූනි දක්වා බලපැවැත්වීමට නියමිතව තිබුණද, ඔහු මාස 18කට අඩු කාලයකින් ධුරයෙන් ඉවත්වීම සුවිශේෂීය.
ඔහු පාකිස්තාන කණ්ඩායම සමග එක්ව ඇත්තේ 2025 මැයි මාසයේ පැවැති බංග්ලාදේශට එරෙහි විස්සයි20 තරගාවලියට පෙරය.
රයන් කුක්ගෙන් පසුව නෙදර්ලන්ත කණ්ඩායමේ ප්රධාන පුහුණුකරු ලෙස පත්වන ඇෂ්ලි නොෆ්කේ, 2028 වසරේ අවසානය දක්වා එම ධුරයේ කටයතු කිරීමට නියමිතය.
ඔහුගේ ප්රධානතම ඉලක්කය වන්නේ 2027 එක්දින ලෝක කුසලානය සහ 2028 විස්සයි20 ලෝක කුසලානය සඳහා නෙදර්ලන්ත කණ්ඩායම සුදුසුකම් ලබාගැනීමට මෙහෙයවීමය.
මේ වනවිට පාකිස්තාන ක්රිකට් පුහුණුකාරිත්ව මණ්ඩලයෙන් කිහිප දෙනෙකුම ඉවත්වීම විශේෂත්වයක්ය.
පන්දු රැකීමේ පුහුණුකරු ෂේන් මැක්ඩර්මොට් පසුගිය ජූලි මාසයේදී ඉවත් වූ අතර, ඔහු මේ වනවිට ඇෆ්ගනිස්තාන කණ්ඩායම සමගින් එක්ව සිටී.
තවද මැයි මාසයේ පැවැති ඔස්ට්රේලියානු එක්දින තරගාවලියෙන් පසු එක්දින කණ්ඩායමේ පිතිකරණ පුහුණුකරු ලෙස කටයුතු කළ හනීෆ් මලික් සහ දීර්ඝ කාලයක් සේවය කළ භෞතචිකිත්සක ක්ලිෆ් ඩීකන් ද කණ්ඩායමෙන් ඉවත්ව තිබේ.
