වෙනත් පුවත්
දැරියක් අපයෝජනය කළ පුද්ගලයෙකු අත්අඩංගුවට ගන්න පොලීසිය මහජන සහය පතයි
ගාලු මුවදොර පිටියේදී, වයස අවුරුදු 13 ක දැරියක් අපහරණය කර බරපතල ලිංගික අපයෝජනයට ලක්කිරීමේ සිද්ධියක් සම්බන්ධයෙන් කොටුව පොලිස් ස්ථානය වෙත ලද පැමිණිල්ලක් මත මේ වන විට පුළුල් විමර්ශන ක්රියාත්මක වේ.
මෙම සිදුවීම පසුගිය ජනවාරි 23 වැනිදා සිදුව ඇත.
මෙම අපරාධයට සම්බන්ධ සැකකරු මේ දක්වා අත්අඩංගුවට ගෙන නොමැති බැවින්, ඔහුව කඩිනමින් නීතියේ රැහැනට හසු කර ගැනීම සඳහා පොලිසිය විසින් මහජන සහය පතනු ලබයි.
සැකකරු හඳුනා ගැනීම සඳහා ඔහුගේ මුහුණේ ලක්ෂණ මත පදනම්ව සිත්තම් කරන ලද ඡායාරූපයක් මාධ්ය වෙත නිකුත් කර ඇති අතර, මොහු පිළිබඳව හෝ මොහුගේ සැකකටයුතු හැසිරීමක් පිළිබඳව යම් තොරතුරක් වෙතොත් වහාම පහත සඳහන් දුරකථන අංක වෙත දැනුම් දෙන ලෙස පොලිසිය මහජනතාවගෙන් ඉල්ලා සිටියි.
ස්ථානාධිපති (කොටුව පොලිස් ස්ථානය): 071-8591560
කොටුව පොලිස් ස්ථානය: 011-2432635
