රාජ්ය සේවා නෙට්බෝල් ක්රීඩා සංගමය මගින් සංවිධානය කරනු ලබන 2026 රාජ්ය සේවා නෙට්බෝල් තරගාවලිය අද (16) යාපනය, චාවකච්චේරි හි පිහිටි වලර්මති ක්රීඩාංගණයේදී ආරම්භ විය.
දිවයින පුරා පිහිටි රාජ්ය ආයතන 20කට ආසන්න සංඛ්යාවක් නියෝජනය කරමින් කණ්ඩායම් 52කට අධික ප්රමාණයක් මෙවර තරගාවලියේදී තරගවැඳීමට නියමිතය.
අද සිට දින 4ක් පුරා පැවැත්වෙන මෙම තරගාවලිය පිරිමි සහ කාන්තා යන අංශ ද්විත්වයෙන්ම පැවැත්වෙන අතර, තරග ලීග් සහ පිළිමළුන් පිටුදැකීම යන ක්රම ද්විත්වය යටතේම පැවැත්වේ.
රාජ්ය නිලධාරීන්ගේ ක්රීඩා කෞශල්යයන් ඉහළ නැංවීම සහ රාජ්ය ආයතන අතර නෙට්බෝල් ක්රීඩාව ප්රවර්ධනය කිරීම මෙම තරගාවලිය සංවිධානය කිරීමේ ප්රධාන අරමුණක්ය.
තරගාවලියේ ආරම්භක උත්සවයේ ප්රධාන ආරාධිත අමුත්තා ලෙස යාපනය අතිරේක දිස්ත්රික් ලේකම් කේ. සිවකරන් මහතා සහභාගි විය.
මීට අමතරව රාජ්ය සේවා නෙට්බෝල් සංගමයේ සභාපතිනි ට්රික්සි නානායක්කාර මහත්මිය ඇතුළු රාජ්ය නිලධාරීන් සහ ක්රීඩා සංගම් නියෝජිතයින් රැසක්ද මෙම අවස්ථාවට එක්ව සිටියහ.
